Mae’r tudalennau’n rhoi gwybodaeth am swyddogaeth Tîm Cynlluniau Argyfwng Sir Ddinbych wrth baratoi ar gyfer argyfyngau posibl. Hefyd cewch wybodaeth am baratoi ar gyfer argyfwng personol neu argyfwng busnes.

Mae Sir y Fflint a Sir Ddinbych wedi arwyddo cyd-drefniant i ddarparu un gwasanaeth cynlluniau argyfwng ar gyfer y ddau awdurdod. Gelwir yr uned yn Gyd-uned Cynlluniau Argyfwng ac mae ei swyddfa yn yr Wyddgrug yn Sir y Fflint.

Yr Uned Cynlluniau Argyfwng sy’n gyfrifol am gydlynu ymateb y ddau awdurdod i unrhyw argyfwng sy’n effeithio ar eu cymunedau. Gall hynny olygu trychineb oherwydd y tywydd, cludiant, damwain ddiwydiannol, llygredd dŵr neu derfysgaeth. Gallai hynny olygu bod angen i’r awdurdodau, y cyfleustodau, grwpiau gwirfoddol a mudiadau eraill fod ar gael.

Gellir lleddfu effeithiau unrhyw argyfwng a chynorthwyo’r gymuned i ddychwelyd i normalrwydd trwy gynllunio ymateb o flaen llaw. Mae tudalennau gwe Cynlluniau Argyfwng Sir Ddinbych yn cynnwys gwybodaeth sylfaenol am yr hyn y gallwch ei wneud i amddiffyn eich hunan mewn damwain neu ddigwyddiad mawr ac mae’n rhestru’r pethau y dylech eu gwneud a phethau na ddylech eu gwneud wrth baratoi ar gyfer argyfwng heb darfu ar eich bywyd dyddiol.