Rhoi adborth ar y tudalen hon

Gwnaed yr arolwg stoc diwethaf ar gyfer ardal Sir Ddinbych yn 1995 dan Awdurdod Sirol Clwyd gynt. Mae’r broses yn golygu cymryd golwg ciplun ar lety’r Sir, yn amrywio o leoedd gwely a brecwast bychain i westai corfforaethol mawr yn ogystal â chynnwys fflatiau gwyliau bach hunangynhwysol a meysydd carafanau mawr.

O ymweld â’r safleoedd hyn, gallwn wedyn lunio darlun cywir o’r busnesau hynny sy’n dal i fasnachu, y rheini nad ydynt bellach yn masnachu a’r rheini sydd wedi ehangu ers yr arolwg diwethaf. Mae holiadur llafar cyfrinachol byr yn caniatáu inni ganfod cyfanswm nifer y lleoedd gwlâu ym mhob busnes. Unwaith y mae’r arolwg wedi’i gwblhau, mae hynny’n rhoi cronfa ddata gywir inni a ffigur y stoc llety a’r stoc lleoedd gwlâu ar gyfer y Sir gyfan. Caiff y ffigurau hyn eu defnyddio wedyn mewn prosiectau a cheisiadau gan y Sir.

Mae’r Arolwg mewn dwy ran:-

Mae’r Arolwg Stryd yn golygu ymweld â holl sefydliadau llety Sir Ddinbych a chynnal holiadur byr gyda’r perchennog / rheolwr.

Mae’r Arolwg Desg yn digwydd ar ôl yr Arolwg Stryd ac mae’n groeswiriad o’r wybodaeth a gafwyd yn yr arolwg stryd.

Rheolir y prosiect drwyddo draw gan:
Lucy Burke – Swyddog Twristiaeth
(01824) 708278

Rheolir yr agwedd weithredol gan:
Ian Olson – Swyddog Systemau Twristiaeth (01824) 708235