Mae'r tîm Rheoli Adeiladu yn gyfrifol am holl ganiatâd adeiladu sydd ei angen dan y Rheoliadau Adeiladu. Mae'r rhan fwyaf o bobl yn gwybod am 'ganiatâd cynllunio' ac os ydynt yn bwriadu gwneud gwaith adeiladu, maent yn aml yn tybio mai dyma'r unig ganiatâd sydd ei angen. Yn wahanol i ddeddfwriaeth cynllunio, mae'r Rheoliadau Adeiladau yn cynnwys nifer o ofynion cymhleth, technegol, sy'n ceisio amddiffyn pobl sy'n defnyddio adeiladau, trwy bennu safonau lleiaf iechyd, diogelwch, lles a hwylustod. Mae'r Rheoliadau Cynllunio ac adeiladau'r un mor bwysig, ond mae'n ddwy swyddogaeth hollol wahanol: os rhoddir cymeradwyaeth dan un, nid yw'n golygu y bydd cymeradwyaeth yn cael ei roddi dan y llall.