Rhoi adborth ar y tudalen hon

Cadeirydd

2008/2009: Raymond Bartley, Isaf Dinbych

Mae’r Cadeirydd yn gweithredu fel symbol o awdurdod democrataidd y Cyngor ac yn cynrychioli’r Cyngor mewn rhinwedd anwleidyddol. Bydd y Cadeirydd yn mynd i wahanol ddigwyddiadau fel llysgennad, gan gynrychioli’r Cyngor fel y corff etholedig sy’n cynrychioli pobl Sir Ddinbych.

Caiff y Cadeirydd ei ethol yng Nghyfarfod Blynyddol y Cyngor ym mis Mai, a bydd yn ymgymryd â’r swydd am gyfnod o ddeuddeg mis. Mae dyletswyddau’r Cadeirydd yn cynnwys: cadeirio cyfarfodydd y Cyngor llawn; gweithredu fel cydwybod y Cyngor; bod yn bresennol mewn digwyddiadau dinesig a seremonïol; hyrwyddo ymwneud y cyhoedd yng ngweithgareddau’r Cyngor.

Yn draddodiadol, ac yn unol â Deddf Llywodraeth Leol 1972 (fel y’i diwygiwyd) mae’r Cadeirydd yn cael blaenoriaeth yn y sir, yn ddarostyngedig yn unig i Frenhinfraint Ei Mawrhydi.

Is-gadeirydd

2008/2009: Joan Butterfield, Gorllewin y Rhyl

Caiff yr Is-gadeirydd ei ethol yng Nghyfarfod Blynyddol y Cyngor ym mis Mai, a bydd yn ymgymryd â’r swydd am gyfnod o ddeuddeg mis.

Bydd yr Is-gadeirydd yn cyflawni holl swyddogaethau a dyletswyddau’r Cadeirydd pan fo galw arno/arni i ddirprwyo yn absenoldeb y Cadeirydd.