Mae'r dudalen hon yn dangos sut mae Cyngor Sir Ddinbych yn perfformio a beth a wnawn i wella gwasanaethau a rhoi gwerth y pres i bobl leol.

Rydym wedi datblygu gweledigaeth i Sir Ddinbych fel cynllun canolog i ddylanwadu ac arwain gwaith y Cyngor Sir a'r mudiadau partner.

Cliciwch i ddarllen y Weledigaeth i Sir Ddinbych Mae Strategaeth Gymunedol Sir Ddinbych yn cael ei adolygu i adlewyrchu gweledigaeth Sir Ddinbych. Mae drafft ar gael i ymgynghori hefo mudiadau partner. Mae'r ddogfen yn gynllun lefel uchel sy'n gosod allan sut y cyflawnir gweledigaeth Sir Ddinbych.  

Ffurfiwyd bwrdd gwasanaethau lleol Sir Ddinbych ym mis Gorffennaf 2006 ac mae yn fwrdd sy'n cynnwys cynrychiolwyr mudiadau ar draws Sir Ddinbych. Nod y Bwrdd yw gwella safon byw yn Sir Ddinbych yn ôl gweledigaeth y sir. Bydd y Bwrdd yn rhoi gwerth trwy sicrhau bod mudiadau'n gweithio ynghyd i gyrraedd nod cytunedig.

Mae’r Cynllun Corfforaethol yn nodi prif flaenoriaethau’r Cyngor am y cyfnod 2009 - 2012, y gweithgareddau y byddwn yn ymgymryd â nhw i’w cyflawni, a sut y byddwn yn mesur ac yn monitro’r llwyddiant.