Rhoi adborth ar y tudalen honDatblygn Cynaliadwy
Mae datblygiad cynaliadwy yn golygu cydbwysedd economaidd, amgylcheddol a chymdeithasol heddiw i sicrhau cydbwysedd rhyngddyn nhw, mewn ffordd sydd ddim yn negyddol nac yn lleihau. Mae diffiniad o ddatblygiad cynaliadwy wedi'i dderbyn i Sir Ddinbych:
“Mae datblygiad cynaliadwy yn golygu bod angen i faterion economaidd, amgylcheddol a chymdeithasol fod yn elfennau cynhenid ym mhob math o ddatblygiad yn Sir Ddinbych. Bydd hyn yn sicrhau ein bod yn cael effaith bositif ar ansawdd bywyd pobl nawr ac yn y dyfodol, gan ddarparu sir ddiogel a sicr i genedlaethau i ddod”
Gall y diffiniad hwn cael ei dorri i lawr fel y canlyn:
- Dylai trigolion Sir Ddinbych fyw o dan amodau economaidd , amgylcheddol a chymdeithasol sy’n cael gwared ar dlodi, yn creu amodau byw derbyniol, yn gwella lles ac yn diogelu iechyd dynol a’r amgylchedd naturiol.
- Sicrhau y cyfunir datblygu gyda chadwraeth adnoddau naturiol a’r amgylchedd, rheoli ynni, gwastraff a chludiant yn gynaliadwy.
- Creu cymunedau cynaliadwy lle mae pobl eisiau byw a gweithio, yn awr ac yn y dyfodol.
- Cyfarfod â gwahanol anghenion y trigolion ar hyn o bryd ac yn y dyfodol, bod yn sensitif i’w hamgylchedd a chyfrannu tuag at fywyd o ansawdd da. Sy’n ddiogel a chynhwysol, wedi’i gynllunio’n dda ac yn cynnig cyfle cyfartal a gwasanaethau da i bawb.
Bydd llwyddo i gynnal ffordd o fyw cynaliadwy yn golygu y bydd pawb sy’n byw, gweithio ac ymweld â Sir Ddinbych â chyfraniad. Bydd gan Sir Ddinbych ran arweiniol mewn addysg a gwybodaeth er mwyn galluogi pawb i gymryd rhan ac ymddwyn yn gyfrifol drwy dalu sylw i’w heffaith ar:
- Cynhyrchu Gwastraff: Ailgylchu, Compostio, Lleihau Gwastraff
- Cadwraeth: Ynni Insiwleiddio’r Cartref, Ynni Adnewyddol
- Cludiant: Dulliau o Drafnidiaeth, Gollyngiadau CO2
- Lechyd a Lles: Bwyta’n dda, Bod yn fywiog, Peidio ag Ysmygu
- Bioamrywiaeth: Cefnogi mentrau Ardaloedd o Harddwch Naturiol Eithriadol a Chynlluniau Gweithredu Bioamrywiaeth Lleol
- Yr Amgylchedd: Ansawdd Amgylchedd Trefol a Naturiol
- Ffyniant Economaidd Lleol: Amgylchedd o Ansawdd, Cynilion, Prisiau Tai
- Llygredd: Aer, Dŵr, Sŵn, Ysbwriel
- Addysg: Ysgolion, Clybiau Eco, Ymwybyddiaeth
- Diwylliant: Yr Iaith Gymraeg, Treftadaeth
Mae Cynllun datblygiad cynaliadwy 2007 - 2009 yn amlinellu'r camau a gymer y Cyngor Sir i wella ei berfformiad cynaladwyedd a gellir ei ddarllen ar y linc isod.
(pdf, 728.20 KB) Bwriad y Cynllun Gweithredu datblygiad cynaliadwy yn datblygu agenda cynaladwyedd Cyngor Sir Ddinbych. Mae'r cynllun yn nodi camau penodol i'r Cyngor Sir eu cymryd eleni a rhai camau fydd angen eu rhoi i gynlluniau busnes yn y dyfodol.