Adran Priffyrdd ac Isadeiledd sy'n gyfrifol am ddarparu'r rhan fwyaf o'r meysydd parcio yng nghanol trefi Sir Ddinbych ac ar hyd yr arfordir. Mae ein meysydd parcio'n darparu dros 5,000 o fannau parcio ar hyd a lled y Sir.

Yn Sir Ddinbych, rhannwyd meysydd parcio'n rhai byr-aros a hir-aros. Mae'r meysydd parcio agosaf at y strydoedd siopa'n cael eu darparu ar gyfer byr-aros gyda'r prisiau'n adlewyrchu hyn. Caiff modurwyr sy'n dymuno sydd am aros am gyfnodau hwy eu hannog i ddefnyddio meysydd parcio hir-aros lle mae'r prisiau am aros dros 4 awr yn is. Mae peiriannau tocynnau Talu a Dangos yn holl feysydd parcio. Mae'r peiriannau'n derbyn darnau arian 5c, 10c, 20c, £1 a £2 ond nid ydynt yn rhoi newid.

Mae disgownt arbennig ar gael i ddefnyddwyr maes parcio gorsaf y rheilffordd sy’n prynu tocyn trên yng ngorsaf rheilffordd y Rhyl - mae tocyn trwy’r dydd yn costio £3.50 ac mae’n para hyd ganol nos. Gellir talu yn swyddfa docynnau'r orsaf Rheilffordd neu ar y system talu dros y ffôn.

Parcio talu a Dangos ar y Stryd

Mae parcio Talu a Dangos ar gael ar gyfer ceir ar y Promenad yn y Rhyl. Y darnau ffordd dan sylw yw ochrau gogledd-orllewin Rhodfa'r Gorllewin (rhwng Butterton a'r Stryd Fawr) a Rhodfa'r Dwyrain/Marine Drive (rhwng Rhodfa Fairfield a Splash Point).

Mae'r prisiau'n cael eu dangos ar bob peiriant tocynnau Talu a Dangos.

Bydd y taliadau'n cale eu casgly mewn peiriannau tocynnau 'Talu a Dangos' a osodwyd yn rheolaidd at hyd y darnau ffordd perthnasol.

Bydd cerbydau sy'n dangos bathodyn anabl 'glas' dilys neu ganiatad priodol a gyhoeddwyd gan y Cyngor yn rhydd o'r taliadau.

Mae caniatad parcio ar gael am y tal priodol i drigolion sy'n byw ar neu'n union ar bwys y darnau ffordd dan sylw ac sydd heb unrhyw gyfleusterau parcio eraill oddi ar y stryd. Dylid gwneud ceisiadau am ganiatad yn ysgrifenedig i'r Rheolwyr Gwasanaethau Parcio, Cyngor Sir Ddinbbych, Blwch Post 273, Rhyl, LL18 9EJ

Rhagor o Wybodaeth

I gael rhagor o wybodaeth, ffoniwch y Swyddfa Barcio ar 01745 839 250