Nod Gofal Cwsmer yw rhedeg mwy o wasanaethau ar y pwynt cyswllt. Dengys gwaith ymchwil fod y rhan fwyaf o’n cwsmeriaid yn dewis ein ffonio ni.  Felly dim mwy o gael eich trosglwyddo o un swyddog i’r llall wrth i chi geisio dod o hyd i’r unigolyn cywir i siarad efo fo/hi – yn hytrach, bydd Cynghorydd Gwasanaeth Cwsmer hyfforddedig yn derbyn eich galwad ac yn ateb eich ymholiad yn y fan a’r lle.

Mae mwy a mwy o bobl yn cysylltu gyda ni drwy gyfrwng y wefan erbyn hyn. Eisoes gallwch dalu biliau ar-lein a chael llu o wybodaeth am y Cyngor Sir a’r gwasanaethau a gynigir. Efallai na fydd troi at y wefan ynghanol nos at ddant pawb, ond bydd yn darparu cyfleustra ychwanegol i rai.

Ac i’r rhai ohonoch chi sy’n hoffi dod i swyddfeydd y cyngor, byddwn yma i chi.  Mae gennym rwydwaith o Siopau Un Alwad a Swyddfeydd Arian Parod drwy’r sir gyda staff y Cyngor yno i’ch cyfarch a’ch cynorthwyo chi.