Mae gennym ddyletswydd i amddiffyn plant a rhaid gwneud ymholiadau pan honnir unrhyw fath o gamdriniaeth. Gall camdriniaeth ddigwydd ar lawer ffurf, gan gynnwys esgeulustra, achosi niwed corfforol, rhywiol neu emosiynol, a methu â chymryd camau i rwystro niwed. Gall plentyn gael ei niweidio gan rywun y mae'n ei nabod, neu - yn llai aml - gan ddieithryn.

Mae Gweithdrefnau Amddiffyn Plant Cymru Gyfan yn diffinio'r categorïau camdriniaeth canlynol:

• Camdriniaeth gorfforol - Gall gynnwys taro, ysgwyd, llosgi neu sgaldio, gwenwyno yn fwriadol, mygu, neu anafu plentyn yn gorfforol mewn unrhyw ffordd arall;
• Camdriniaeth emosiynol - Gall olygu dweud wrth blentyn ei fod yn ddi-werth, neu nad oes neb yn ei garu, ei fychanu, achosi iddo deimlo’n ofnus neu ofyn iddo wneud rhywbeth nad yw'n rhesymol o ystyried ei oedran;
• Camdriniaeth rywiol - Gall gynnwys annog neu hyd yn oed orfodi plentyn i chwarae rhan mewn gweithredoedd rhywiol amhriodol. Gall hyn gynnwys cysylltiad corfforol neu ddangos deunydd pornograffig i blentyn;
• Esgeulustra - Gall olygu peidio â darparu digon o fwyd, cynhesrwydd, diogelwch, sylw meddygol, addysg neu ysgogiad meddyliol.
  

I gael mwy o wybodaeth am ein gwasanaethau neu os hoffech gael cymorth gan y Gwansanaeth Plant a Theuluoedd cliciwch yma