- Ailgylchu Cartref
- Anifeiliaid Marw
- Bywyd Cyhoeddus
- Cynhaliaeth Priffyrdd
- Cynnal a Chadw Adeiladau
- Cynnal a Chadw Tiroedd
- Dim Faniau Catref
- Glanhau'r Strydoedd
- Glanhau Adeiladau
- Golau Stryd
- Gorfodaeth Sbwriel
- Gwasanaethau Arlwyo
- Gwastraff Masnach
- Hafan Ysbwriel Cartref
- Mynwentydd
- Siop Arwyddion
- TCC
- Toiledau Cyhoeddus
Rhoi adborth ar y tudalen hon
Mae mynwentydd Cyngor Sir Ddinbych yn cynnwys:
- Coed Bell, Ffordd Gronant Uchaf, Prestatyn.
- Mynwent Fron Bache, Ffordd y Ficerdy, Llangollen.
- Mynwent Llanrhydd, Llanrhydd, Rhuthun.
- Mynwent Maeshyfryd, Ffordd Dyserth, Y Rhyl.
- Y Fynwent Newydd, Ffordd Newydd, Rhuddlan.
- Mynwent y Llwyn, Ffordd Mount, Llanelwy.
- Mynwent Ffordd Ystrad, Ffordd Ystrad, Dinbych.
Hefyd mae mynwent sy’n llawn wedi ei lleoli yn Ffordd Morley, Y Rhyl.
Mynwentydd Traddodiadol
Cyfeirir at y mynwentydd traddodiadol fel mynwentydd lawnt. Dim ond cofebion ar ffurf carreg fedd, a ffiol wedi ei gosod arni os dymunir, sy'n cael eu caniatáu yn y rhain.
Claddu Mewn Coetir
Mae mannau claddu mewn coetir ym Mynwent Coed Bell, Prestatyn (ar fryncyn uwchben y fynwent bresennol gyda golygfeydd dros Fôr Iwerddon / Aber Afon Dyfrdwy) ac ym Mynwent y Llwyn, Llanelwy. Yn 2004, enillodd Coed Bell glod gan y Ganolfan Marwolaeth Naturiol am fod y fynwent naturiol orau yng Nghymru.
Mae’r safleoedd hyn yn darparu dewis arall, naturiol, yn hytrach na’r fynwent draddodiadol. Mae coed brodol, planhighion blodau gwyllt a llwyni yn cael eu plannu ar draws y llecyn. Yna bydd yn datblygu ac yn sefydlu ei hun yn amgylchedd coetir.
Ni ddylai’r rhai sydd eisiau bedd twt a thaclus gyda charreg fedd draddodiadol ystyried claddu mewn coetir. Ystyriwch yn ofalus a fyddai hynny’n briodol ar gyfer eich ymadawedig, cyn penderfynu ar y dewis yma.
Rheolau Mynwentydd
Cofebion Carreg Fedd
Dim ond seiri maen coffa cofrestredig gyda BRAMM sy’n cael caniatâd i weithio yn mynwentydd yr Awdurdod. Rhaid gosod pob cofeb yn unol â Safon Prydeinig 8415. Mae’r Awdurdod wedi cynhyrchu set o Reolau Coff, ac maent i’w gweld yn y ddogfen isod.
Archwiliwyd sefydlogrwydd y cofebion presennol ym mhob mynwent sydd gan Gyngor Sir Ddinbych. Pan welir fod cofeb yn rhydd, gosodir hysbysiad diogelwch wrth ei hochr. Bydd y Swyddog Mynwentydd yn ceisio cysylltu gydag unrhyw aelodau o’r teulu sydd ar ôl ble bynnag y bo hynny’n bosibl; ond os nad yw hynny’n bosibl am ba bynnag rheswm bydd saer maen coffaol cymeradwy yn rhoi’r gofeb ar ei gorwedd.
Cofebion Eraill
Gellir claddu neu wasgaru gweddillion wedi’u llosgi. Gellir gosod plac coffa mewn gwely rhosod neu ar wal. Gellir hefyd gosod seddau coffa. Bydd Cyngor Sir Ddinbych yn ceisio caniatáu eich ceisiadau os yn bosibl. Rhaid gofyn am ganiatâd o flaen llaw. Cysylltwch gyda'r Swyddog Mynwentydd – gwasanaethau.amgylcheddol@sirddinbych.gov.uk neu 01824 712106 – am ragor o wybodaeth. Ceir ffurflen gais yn yr atodiad isod.
Ffioedd Mynwentydd
Mae ffioedd mynwentydd wedi’u cymeradwyo gan Gyngor Sir Ddinbych ac yn cael eu hadolygu’n flynyddol. Mae ffioedd Mynwentydd wedi’u newid yn sylfaenol, ac erbyn hyn gwahenir y ffi am yr Hawl Claddu Unigryw. Mae’r ffioedd hefyd yn adlewyrchu’r gost o baratoi / cloddio’r bedd i wahanol ddyfnder er mwyn cydymffurfio â dymuniadau’r rhai mewn profedigaeth. Gweler y ddogfen isod i gael rhestr o’r ffioedd diweddaraf.
Y person a enwir fel yr un sy’n dal yr Hawliau Claddu Unigryw yw’r unig berson sy’n gallu caniatáu claddu yn y bedd hwnnw. Rhaid ysgrifennu at ein hadran gyfreithiol i drosglwyddo'r hawliau i berson arall a enwir. Mae Hawl Unigryw wedi’i bennu am 50 mlynedd. Ar ddiwedd 50 mlynedd bydd Deilydd yr Hawl Unigryw yn gorfod ail ymgeisio am estyniad, os dymunant.
(pdf, 35.20 KB) Ffioedd Mynwentydd Ffurflen Gais Man Gorffwys Terfynol
(pdf, 15.91 KB) Ffurflen Gais Man Gorffwys Terfynol Llyfryn Claddu Mewn Coetir
(pdf, 794.30 KB) Llyfryn Claddu Mewn CoetirRheolau Cofebion
(pdf, 918.46 KB) Rheolau CofebionRheolau Mynwentydd
(pdf, 99.61 KB) Rheolau Mynwentydd