Rhoi adborth ar y tudalen honCwynion Bwyd
Mae Tîm Diogelwch Bwyd Cyngor Sir Ddinbych yn ymchwilio llawer o gwynion bwyd bob blwyddyn. Gall y rhain amrywio o gael hyd i bethau dieithr mewn bwyd i werthu eitemau bwyd anaddas. Yn yr ymchwiliadau hyn rydym yn amcanu at geisio dangos beth sydd wedi mynd o’i le a sicrhau bod mesurau adferol yn cael eu rhoi yn eu lle i atal problemau rhag ailddigwydd. Petai unrhyw un yn gwerthu bwyd sy’n methu â chwrdd â gofynion diogelwch bwyd, ac nad ydynt yn gallu dangos eu bod wedi cymryd pob gofal i atal y gwyn rhag digwydd, gellir mynd ati i’w herlyn drwy’r llysoedd troseddau.
I fynd ar ôl cais am iawndal oherwydd bod rhywun wedi gwerthu bwyd anaddas ichi, mae’n ddoeth ymgynghori â chyfreithiwr gan y gellwch ond gweithredu drwy’r Llys Sirol yn yr amgylchiadau hyn.
Sut i wneud cwyn
Os ydych yn dymuno gwneud cwyn ynglyn â diogelwch bwyd yr ydych wedi’i brynu neu’i fwyta, a wnewch chi gysylltu â ni.
Dylech wybod y bydd yn rhaid i’r swyddog sy’n ymchwilio gael yr wybodaeth ganlynol:
- O ble y prynwyd y bwyd;
- Manylion y gwneuthurwr - cewch hyd i’r rhain ar unrhyw bacediadau.- Mae’n bwysig iawn cadw pob pacediad o’r fath, megis papurau lapio, bocsys neu ganiau.
- Dyddiad ac amser prynu;
- Tocyn gwerthiant;
- Hanes byr o’i brynu nes dod o hyd i’r broblem
- Manylion storio
Mewn rhai amgylchiadau, efallai y byddwn yn archwilio eich cegin neu’ch cartref chi hefyd. Gall hyn fod yn bwysig iawn
s bydd yr achos yn mynd ei flaen i gyfraith. Mae modd olrhain llawer o achosion ble cafwyd hyd i wydr mewn bwyd at wydrau neu ddysglau tolciog o fewn y cartref. Fe all y swyddog sy’n ymchwilio wneud nodyn hefyd o dymheredd eich oergell chi i’w fodloni ef/hi ei hun bod y bwyd wedi’i storio’n gywir.