- Ailgylchu
- Anifeiliaid Marw
- Bywyd Cyhoeddus
- Cyfleusterau Arfordirol
- Cynhaliaeth Priffyrdd
- Cynnal a Chadw Adeiladau
- Cynnal a Chadw Tiroedd
- Dim Faniau Catref
- Glanhau'r Strydoedd
- Glanhau Adeiladau
- Golau Stryd
- Gorfodaeth Sbwriel
- Gwasanaethau Arlwyo
- Gwastraff
- Mynwentydd
- Siop Arwyddion
- Toiledau Cyhoeddus
- Trwydded Amgylcheddol
1. SGÔP: Beth mae 'Parth Cyhoeddus' yn ei olygu?
Diffiniad daearyddol: Mae'r 'PARTH CYHOEDDUS' yn ymgorffori holl ardaloedd y mae gan y cyhoedd fynediad agored iddynt. Mae'r cyngor yn cymryd agwedd eang at yr hyn a gynhwysir. Er enghraifft, os yw darn o dir preifat yn difetha mwynderau gweledol ardal, byddai'r Cyngor yn ystyried bod hyn yn 'broblem parth cyhoeddus'.
Gwasanaethau a gynhwysir: Mae gweithgareddau parth cyhoeddus yn cynnwys: torri gwair, garddwriaeth, glanhau strydoedd, cynnal a chadw cyfleusterau cyhoeddus, cynnal a chadw goleuadau stryd a gwaith cynnal a chadw arferol (adweithiol) i'r priffyrdd.
2. AMCANION: Beth rydym yn ceisio ei gyflawni?
Ceisiwn wneud hyn trwy wneud Sir Ddinbych yn lle glanach a thaclusach, a thrwy ddarparu mwynderau Parch Cyhoeddus megis mannau agored, meinciau, arddangosfeydd blodau ac ati.
Ail-bwysleisiwyd pwysigrwydd y maes gwasanaeth hwn yn yr hydref 2005 pan nododd aelodau gwaith parth cyhoeddus fel un o'u tri phrif flaenoriaeth.
3. DULLIAU: Sut medrwn gyflawni ein hamcanion?
Byddwn yn ceisio blaenoriaethu gwaith mewn dull rhesymegol, gan ganolbwyntio ar beth sydd angen ei wneud.
Byddwn yn ceisio gweld pethau o safbwynt cyhoedd. Mae hyn yn golygu adnabod a dileu mannau gwael (cyn belled â'i fod yn ymarferol). Mae mannau o'r fath yn ardal broblemus sy'n cael effaith anghymesur ar syniad y cyhoedd.
Byddwn yn rhoi cyhoeddusrwydd i nodau ac amcanion y gwasanaeth, fel bod pawb yn deall beth y medrent ei ddisgwyl yn rhesymol, a'r hyn sy'n bosibl i ni ei gyflwyno gyda'r adnoddau sydd ar gael i ni.
Byddwn yn ceisio dylanwadu ar agweddau ac ymddygiad y cyhoedd trwy gyfrwng cymysgedd o addysg a gwaith gorfodi a dargedir.
Byddwn yn ceisio datblygu timau cyflwyno gwasanaeth effeithiol. Bydd y timau hyn yn datblygu syniad o berchnogaeth o'u hardaloedd ac yn ei 'gymryd yn bersonol' os byddant yn flêr.
4. PERFFORMIAD: Sut fyddwch yn gwybod ein bod yn gwneud job dda?
| Maes Gwasanaeth | Beth fedrwch ei ddisgwyl gennym ni |
| Glanhau strydoedd. | Sgubo'r strydoedd ar yr amlder a argymhellir.
|
| Darpariaeth meinciau/seddi. | Darpariaeth lle tybir bod angen.
|
| Gorfodi Sbwriel. | Rhaglenni a dargedwyd mewn ardaloedd lle mae problemau. |
| Darparu biniau baw cŵn. | Darpariaeth mewn ardaloedd ymwelwyr yn unig. Ni fydd darpariaeth ar stadau trefol. |
| Gorfodi yn erbyn baw cŵn. | Gorfodaeth a dargedwyd mewn ardaloedd problem. |
| Darparu cyfleusterau cyhoeddus. | Cyfleusterau glân a ellir eu defnyddio, ar agor ar adegau rhesymol. |
| Darparu gwelyau blodau ac arddangosfeydd eraill. | Arddangosfeydd blodau yng nghanol trefi a mannau gyda niferoedd mawrion o ymwelwyr.
|
| Torri gwaith mwynderau gweledol. | Torri'n aml mewn ardaloedd trefol i gadw'r gwair yn eithaf taclus. Cadw llwybrau'n rhydd rhag toriadau gwair (ond nid casglu o'r mannau a dorrwyd). |
| Torri gwair diogelwch ffordd. | Torri'n llai aml ar ffyrdd gwledig – cedwir y gwair yn fyr dim ond er mwyn rhoi gwelededd digonol i ddefnyddwyr ffordd. |
| Darpariaeth biniau sbwriel. | Darpariaeth mewn mannau lle mae gollwng sbwriel yn gyffredin, fel Stryd Fawr.
|
5. CYNLLUN GWEITHREDU: Beth fyddwn yn canolbwyntio arno nesaf?
Y meysydd gwasanaeth lle byddwn yn canolbwyntio ein hymdrechion fydd:
Dileu ffiniau daearyddol: mae hyn yn golygu delio â phroblemau amgylcheddol ar dir y tu allan i reolaeth uniongyrchol y cyngor.
Cael y cydbwysedd yn iawn rhwng bod yn rhagweithiol ac adweithiol: mae'r cyhoedd yn hoffi i ni ymateb yn gyflym pan fydd problem. Fodd bynnag, os ydym yn canolbwyntio'n llwyr ar waith adweithiol, rydym yn debygol o fethu oherwydd mae fel rheol yn fwy cost-effeithiol i rwystro llanast rhag datblygu yn y lle cyntaf na'i lanhau wedyn.
Gorfodi: bydd pwyslais newydd ar orfodi pan fydd yr holl bwerau Cymdogaethau Glân newydd mewn grym (yn amodol ar gymeradwyaeth y Cyngor).
Medrwch helpu, trwy:
- Fynd â'ch sbwriel gartref gyda chi.
- Mynd â baw eich ci gartref.
- Adrodd am oleuadau stryd diffygiol.
Reportio pobl sy'n gollwng sbwriel ac eraill sy'n camddefnyddio'r ardal yma.
Y rhif cyswllt ar gyfer problemau baw cwn yw 01824 7060444.
Y rhif cyswllt ar gyfer holl broblemau amgylcheddol eraill yw 01824 706100.
