Cofrestr ar gyfer Plant neu Bobl Ifanc gyda Salwch neu Anabledd Cronig
Beth yw'r Gofrestr?
Caiff y Gofrestr ei chreu a'i chynnal a'i chadw fel prosiect ar y cyd rhwng y Gwasanaethau Cymdeithasol, Addysg, Iechyd, Mudiadau Gwirfoddol a rhieni/gofalwyr plant a phobl ifanc anabl (0-19) a chanddynt salwch cronig neu anabledd er mwyn galluogi cynllunio a chydlynu gwasanaethau.
Buddion cofrestru
- Cylchlythyrau rheolaidd - yn rhoi gwybodaeth gyfoes am faterion yn ymwneud ag anabledd.
- Cyfeirlyfr o Wasanaethau - canllaw cynhwysfawr i wasanaethau yn eich sir.
- Grŵp Partneriaeth Teulu - (grŵp rhieni) rhoi llais i chi yn y gwasanaeth a ddarperir.
- Fy Llyfr Oren - cofnod a gedwir gan y teulu, sy'n arbed i chi orfod ailadrodd hanes eich plentyn, ac sy'n hysbysu darparwyr gofal yn yr ysgol ac mewn lleoliad seibiant o anghenion a hoffterau cyfredol eich plentyn.
Pwy sy'n gweld y Gofrestr?
Cedwir y gofrestr ar gyfrifiadur gan Ymddiriedolaeth GIG Conwy a Sir Ddinbych. Dim ond Cydlynydd y Gofrestr a'r gweithwyr proffesiynol hynny o'r Gwasanaethau Iechyd, Addysg a Chymdeithasol sy'n gweithio gyda'r plentyn neu'r person ifanc sy'n cael gweld gwybodaeth unigolion; fel arall, mae'r wybodaeth yn gyfrinachol ac ni chaiff ei rhoi i unrhyw un arall. Caiff gwybodaeth gyffredinol, megis nifer y plant neu'r bobl ifanc ar y gofrestr (ond nid eu henwau a'u cyfeiriadau a manylion personol eraill), ei gweld gan y Grŵp Cynllunio ar y Cyd ar gyfer plant ag anghenion iechyd ac anableddau, a gellir ei chynnwys yng Nghynllun Gwasanaethau Plant yr awdurdodau lleol.
Sut ydw i'n newid manylion neu'n eu tynnu oddi ar y Gofrestr?
Cewch ofyn am gael gweld y wybodaeth am eich plentyn unrhyw adeg, a newid unrhyw fanylion sy'n anghywir. Cewch hefyd ofyn i fanylion eich plentyn gael eu tynnu oddi ar y gofrestr unrhyw bryd.
Fy Llyfr Oren
Mae rhieni yn aml yn gweld eu hunain yn ailadrodd hanes meddygol eu plentyn wrth nifer o wahanol weithwyr proffesiynol. Mae'r Llyfr Oren yn darparu cofnod cyfleusa gaiff ei lenwi gan y teulu, sy'n rhoi crynodeb byr o'r holl wybodaeth angenrheidiol.
Y nod yw y bydd y plentyn yn cario'r llyfr gyda nhw i'r ysgol, i ofal seibiant/rhannu gofal a'r ysbyty, er mwyn darparu'r wybodaeth ddiweddaraf am y plentyn.
Mwy o wybodaeth
Os oes gennych chi unrhyw gwestiynau am y gofrestr neu am 'Fy Llyfr Oren', gallwch siarad â Nyrs Arbenigol, Pediatregydd, Gweithiwr Cymdeithasol, Nyrs Ysgol neu Swyddog Datganiadau Addysg eich plentyn, neu fel arall, cysylltwch â Chydlynydd y Gofrestr Anabledd:
Cydlynydd y Gofrestr Anabledd
Cyfle, Barnardo's Cymru
Swyddfa llawr 1af
Neuadd Panton
Dinbych
Sir Ddinbych
LL16 3TL
Ffôn: 01745 817216
(pdf, 589.50 KB)
