Gwnaiff y Gwasanaethau Amgylcheddol gasglu a chael gwared o anifeiliaid mawr a ganfyddir ar y ffyrdd neu mewn mannau cyhoeddus eraill.  Darperir y gwasanaeth hwn er diogelwch defnyddwyr y ffyrdd ac i ddiogelu iechyd y cyhoedd. 

Nid yw’r Cyngor yn dod i gasglu anifeiliaid bach gan mai prin yw’r risg i ddiogelwch y ffyrdd neu iechyd y cyhoedd.  Gall nôl anifeiliaid marw oddi ar y ffordd fod yn beryglus felly mae’n well gennym ganiatáu i natur wneud ei gwaith yng nghyswllt anifeiliaid bach.  Nid oes gan y Cyngor yr adnoddau i gasglu a chael gwared o bob anifail sy’n marw mewn man cyhoeddus.

Mae’r anifeiliaid y gwnawn eu casglu yn cynnwys:

• Ceirw
• Moch daear
• Llwynogod
• Dyfrgwn
• Defaid
• Cŵn
• Cathod
• Elyrch
• Morfilod
• Dolffiniaid
• Llamhidyddion
• Morloi
• Anifeiliaid sy’n FWY na’r rhain 

Mae’r anifeiliaid NA WNAWN eu casglu yn cynnwys:

• Cwningod
• Sgwarnogod
• Carlymau
• Wencïod
• Llygod mawr
• Ffesantod
• Gwylanod y môr
• Colomennod
• Hwyiaid
• Anifeiliaid sy’n LLAI na’r rhain