Rhoi adborth ar y tudalen honMae Rheilffordd Llangollen yn bwriadu ymestyn y gwasanaethau trên i Gorwen, tua dwy filltir a hanner y tu hwnt i’w therfyn presennol yng Ngharrog.
Mae Cwmni Rheilffordd Llangollen wedi cadw ymgynghorwyr i helpu i baratoi cais am Orchymyn Deddf Cludiant a Gwaith i awdurdodi adeiladu a gweithrediad rhan newydd o reilffordd. Fe baratowyd Asesiad Effaith Amgylcheddol a bydd yn ffurfio rhan o’r cais am y Gorchymyn gan Lywodraeth Cynulliad Cymru.
Cynhaliwyd rownd gyntaf o ymgynghoriad cyhoeddus, yn cynnwys cyfarfod cyhoeddus yng Nghorwen yng ngwanwyn a haf 2007. O ganlyniad i’r ymgynghoriadau hynny roedd angen nifer o newidiadau i’r cynigion yn ardal Corwen.
Y newid mwyaf yw’r angen i symud rhan o hen arglawdd y cyn reilffordd i Ruthun ger Afon Dyfrdwy er mwyn darparu estyniad i’r gorlifdir ar gyfer effeithiau posibl ailagor y rheilffordd ar y gorlifdir presennol.
Mae’r newidiadau eraill yn rhai mân ac yn cynnwys newid y ffordd fynediad arfaethedig i waith trin carthffosiaeth Dŵr Cymru er mwyn caniatáu mynediad gan lorïau cymalog a darpariaeth mynediad i bysgotwyr i lan deheuol yr afon i’r dwyrain o Gorwen. Fe ddarperir llwybr byr wrth ymyl y rheilffordd i’r dwyrain o Gorwen lle mae yna dystiolaeth fod yr hen drac yn cael ei ddefnyddio gan gerddwyr.
Fe gynhelir cyfarfod cyhoeddus ym Mhafiliwn Chwaraeon, Lôn Las, Corwen am 7:00 pm ar ddydd Llun Awst 11 2008. Bydd cynrychiolwyr o Gyngor Sir Ddinbych, Rheilffordd Llangollen a’u hymgynghorwyr yn bresennol i esbonio’r newidiadau i’r cynigion. Mae croeso i bawb ddod i’r cyfarfod.
Bydd copïau o’r cynlluniau cyfredol ac esboniad ar y newidiadau a wnaethpwyd i’r cynigion ers haf 2007 ar gael i’w harchwilio yn y llyfrgelloedd lleol yng Nghorwen a Llangollen o ddydd Llun Awst 4.