Rhoi adborth ar y tudalen honMae Cyngor Sir Ddinbych wedi mynegi pryderon am gostau cynyddol tanwydd ac ynni ac mae wedi galw am weithredu gan lywodraeth y DU a Llywodraeth Cynulliad Cymru.
Dywed y Cyngor fod ei gyllideb am 2007/09 yn cynnwys tybiaeth y byddai costau ynni a chludiant yn cynyddu o £822k neu 14% ond bod rhagamcanion diweddaraf yn awgrymu y bydd costau’n cynyddu o £425k yn ychwanegol nad yw wedi ei gynnwys yn y gyllideb, a bod y codiadau hyn yn uwch o lawer na’r cynnydd o 2.3% yng ngrant cynnal refeniw a ddarperir gan Lywodraeth Cynulliad Cymru ar gyfer 2008/09.
Cyflwynodd y Cynghorydd Julian Thompson-Hill, Aelod Arweiniol y Cabinet dros Gyllid, Rybudd o Gynnig a gytunwyd gan y Cyngor y bore yma (Mawrth). Meddai “Mae’r Cyngor yn galw ar lywodraeth y DU i weithredu’n bendant i ddiogelu buddiannau teuluoedd, gwasanaethau cyhoeddus a diwydiant drwy gyflwyno Rheolydd Toll Tanwydd a fydd yn defnyddio refeniw cynyddol TAW i ariannu lleihad yn lefelau toll tanwydd a byddai’n help i leihau costau i ddefnyddwyr.
“Rydym yn galw hefyd ar Lywodraeth Cynulliad Cymru i greu elfen eglur o fewn setliadau llywodraeth leol y dyfodol i ddangos sut y mae Llywodraeth y Cynulliad yn ariannu codiadau mewn prisiau tanwydd ac ynni.”.
Bydd y Cyngor yn lobïo holl Aelodau Seneddol ac Aelodau Cynulliad Sir Ddinbych ar y mater hwn.
Nodyn i olygyddion: Am wybodaeth bellach cysylltwch â’r Tîm Cyfathrebiadau Corfforaethol ar 01824 706222/ 706007/ 706125.