Rhoi adborth ar y tudalen honBydd aelod o staff Gwasanaethau Cymdeithasol Cyngor Sir Ddinbych yn mynd ar y ffordd yn ddiweddarach y mis yma ar gyfer reid elusen sy’n o wahanol.
Bydd Loraine Jackson, ei mab a dau o ffrindiau’n cymryd rhan yn y daith ‘Banger’, a elwir yn ‘Sucata Run’ o Rouen yn Normandi, Gogledd Ffrainc. Byddant yn gyrru 2000km ar draws Ffrainc, Sbaen a gorffen yn Cabon da Roca ym Mhortiwgal. Mae eu taith epig yn cychwyn ar ddydd Iau, Awst 21 ac yn gorffen ar ddydd Sul Gŵyl y Banc.
Mae aelodau’r tîm wedi prynu hen racsyn o gar rhad ar gyfer y ras a byddant yn teithio i Dover cyn croesi i Calais a’r daith ymlaen i Normandi.
Byddant yn codi arian ar gyfer elusen Gemin- i sy’n gweithio tuag at ddarparu addysg i blant mewn gwledydd sy’n datblygu.
Meddai Loraine, sy’n gweithio gyda Gwasanaethau Cymdeithasol Sir Ddinbych yn Rhuthun, ond sy’n byw yn y Treuddyn: "Rydym yn cymryd addysg yn ganiataol yn y wlad yma ond mae rhai o’r plant yn y gwledydd sy’n datblygu’n gorfod gweithio diwrnod llawn cyn dechrau’r ysgol. Yn aml yr ysgol yw’r unig le lle caiff y plant hyn bryd o fwyd poeth. Dyna pam yr ydym wedi penderfynu cefnogi’r achos haeddiannol hwn mewn ffordd unigryw iawn ac rwy’n siŵr y cawn ni lot o hwyl ar y ffordd.
"Mae gen i deimladau cymysg am y sialens. Rwy’n falch iawn o allu darparu cefnogaeth, ond fe fydd yn rhaid i ni gysgu mewn pebyll yn ystod y ras i gadw’r costau i lawr ac fe fydd yn ras wirioneddol yn erbyn amser i gyrraedd y llinell derfyn."
Bydd y tîm yn un o 87 o grwpiau sy’n cystadlu yn y rali bedwar diwrnod a bydd gofyn i’r timau gymryd ffotograffau ar hyd y ffordd yn brawf o gymryd rhan. Mae yna wobr hefyd i’r tîm a fydd angen gwthio eu car bellaf.
Nodyn i olygyddion: Mae sillafiad ‘Loraine’ yn gywir.