Ydych chi'n edrych ar ôl plentyn, ond dydych chi ddim yn berthynas nac yn warcheidwad cyfreithiol iddo? Os hynny, dydych chi ddim ar eich pen eich hun.
MAETHU PREIFAT – RHOWCH WYBOD I'R GWASANAETH PLANT.
Amcangyfrifir bod dros 12,000 o blant Cymru a Lloegr yn cael eu maethu yn breifat.
Diffinnir plant sy'n cael eu maethu'n breifat fel plant o dan 16 (neu o dan 18 hefo anableddau) sy'n byw hefo person sydd ddim yn berthynas neu warcheidwad cyfreithlon am fwy na 28 dydd.
Mae gan y gwasanaeth plant ofyniad cyfreithiol i sicrhau diogelu lles y plant hynny ac addasrwydd yr un sy'n edrych ar eu hol. Os ydych yn edrych ar ôl plentyn rhywun arall am fwy na 28 dydd mae gofyn i chi adael i'r Gwasanaeth Plant wybod am hynny.
Gall y Gwasanaeth Plant roi cyngor a chymorth i chi - dydyn ni ddim eisiau amharu ar rywbeth sy'n gweithio'n dda. Rydym eisiau i drefniadau preifat fynd mor llyfn â phosibl ac os gallwn helpu mewn unrhyw ffordd, fe wnawn.
Dylai unrhyw un yn Sir Ddinbych sy'n maethu plentyn yn breifat ac sydd heb roi gwybod i ni, sydd ddim yn gwybod bod angen gwneud hyn, neu sy'n bwriadu maethu'n breifat yn y dyfodol, gysylltu hefo'r Gwasanaeth Plant.
Ffoniwch: Cyngor Sir Ddinbych, Gwasanaethau Plant, 64 Ffordd Brighton, Y RHYL, Sir Ddinbych, LL18 3HN
Rhif ffôn : 01824 712900
Peidiwch â pheryglu diogelwch eich plentyn - mae rhoi gwybodaeth yn helpu cadw plant yn ddiogel


