Prynwch Fin Gwrteithio am £15
I annog preswylwyr leihau eu gwastraff trwy gompostio yn yr ardd, mae Sir Ddinbych yn cynnig cyfle i breswylwyr brynu bin compost am bris gostyngol o £15. Mae'r Komp 320 yn dal 320 litr ac mae ar gael i'w gasglu o depo Parc Kinmel, depo Lôn Parcwr, Rhuthun neu o Siop Un Alwad Llangollen.
Sut i archebu
Casglu o depo Parc Kinmel, Bodelwyddan, LL18 5UX
- Talu hefo arian parod ym Modelwyddan adeg ei gasglu.
- Ffonio ymlaen llaw a thalu dros y ffôn trwy ffonio 01824 706100.
- Gallwch dalu yn un o'n Siopau Un Alwad a dowch a’ch derbynneb pan fyddwch yn ei gasglu.
Casglu o depo Lon Parcwr, Rhuthun, LL15 1NA
- Ffonio ymlaen llaw a thalu dros y ffôn trwy ffonio 01824 706100.
- Gallwch dalu yn un o'n Siopau Un Alwad a dowch a’ch derbynneb pan fyddwch yn ei gasglu.
Casglu o Siop Un Alwad Llangollen, LL20 8NY
- Talwch hefo arian parod, cerdyn credyd neu gerdyn debyd yn Siop Un Alwad Llangollen.
- Ffonio ymlaen llaw a thalu dros y ffôn trwy ffonio 01824 706100.
Sut i wrteithio
Mae gwrteithio gartref yn hawdd, ac yn wych i'r ardd. Medrwch wrteithio'r cyfan yn y rhestr ganlynol:
- Pilion llysiau a ffrwythau
- Dail te, coffi wedi ei ddefnyddio a phlisgyn wy wedi ei falu
- Chwyn
- Toriadau gwair
- Gwallt
- Papur
- Baw anifeiliaid
- Clipion coed bythwyrdd
- Dail
- Tociadau
- Gwellt a gwair
- Llwch o'r peiriant sugno llwch
Nid yw popeth yn addas i'w wrteithio. Dylech osgoi'r canlynol:
- Hylif o'r corff, clytiau papur, hen hancesi papur (rhag ofn nad yw'r pathogenau sy'n cludo afiechyd oll wedi eu dinistrio gan y broses wrteithio)
- Ysgarthion – pobl/ cŵn /cathod (am yr un rheswm)
- Cerdyn neu bapur lliwgar neu sglein
- Gwrthrychau caled, cerrig, darnau o wydr, metel, plastig
- Hylif glanhau a chemegau tŷ/gardd eraill
- Cig (wedi ei goginio ac yn amrwd) - gall yr arogl ddenu anifeiliaid
Beth i'w wneud hefo eich compost
Peidiwch â phoeni os nad yw eich compost yn edrych yr un fath â chompost y ganolfan arddio. Fe all fod yn lympiog hefo brigau a darnau o blisg wyau ond cyn belled â’i fod yn frown, yn feddal ac yn ogleuo fel daear mae’n barod i'w ddefnyddio.
Os oes darnau mawr o bren yn eich compost bydd yn ddelfrydol i’w ddefnyddio fel mwlch o amgylch coed a llwyni. Bydd hyn yn cadw’r chwyn i lawr ac yn bwydo’r planhigion.
Gellir defnyddio compost fel stwff potio planhigion tŷ neu i ddechrau planhigion newydd o hadau. Rhaid i tua thraean y cymysgedd fod yn gompost a’r gweddill yn bridd. Bydd y cymysgedd yn caniatáu i’r planhigion wreiddio’n gadarn.
Bydd lawnt newydd ei hadu neu lawnt aeddfed yn gwella o gael compost arni. Bydd cymysgu’r compost hefo tywod yn ei helpu i ledaenu’n fwy cyfartal.
Mae Compost yn llawn o faeth ac mae’n helpu gwella ansawdd y pridd, rheoli lefelau lleithdra ac atal afiechydon planhigion. Cymysgwch y compost i’r pridd o amgylch eich planhigion, eich blodau neu eich gwely llysiau. Bydd hyn o gymorth i adnewyddu mwynau gwerthfawr yn y pridd.
(pdf, 653.18 KB)
