Cyngor Sir Ddinbych - Clytiau Go Iawn

Cysylltiad e-bost

gwasanaethcwsmer @sirddinbych.gov.uk

Gwnewch O Arlein

Clytiau Go Iawn

Defnyddiwch Glytiau Go Iawn – Arbed Arian a'r Amgylchedd
Mae babi, ar gyfartaledd, yn defnyddio 5,000 o glytiau. Os ydych yn defnyddio rhai papur, ni ellir ailgylchu nac ailddefnyddio'r rhain ac mae'n rhaid iddynt gael eu tirlenwi, lle byddant yn aros am gannoedd o flynyddoedd. Yng Nghymru, teflir rhyw 200 miliwn o glytiau i ffwrdd bob blwyddyn.

Mae clytiau ailddefnyddiadwy modern yn hawdd i'w defnyddio, ac mae llawer o opsiynau gwahanol.

Mae clytiau cotwm modern yn dod mewn amrywiol siapiau a math gyda chlymwr Velcro a phopiwr - mae'r dyddiau o blygu a phinnau drosodd!
Gall rhieni arbed cannoedd o bunnau trwy ddefnyddio clytiau cotwm – a gall yr arbedion fod yn fwy fyth i ail neu drydydd plentyn.
Mae golchi clytiau cotwm yn hawdd - dim angen berwi neu fwydo - dim ond golchi ar 60 gradd.
Er hwylustod mwyaf, mae gwasanaethau golchi clytiau yn casglu clytiau budr a dosbarthu rhai glân yn uniongyrchol at y drws.
Nid oes mwy o berygl o frech clwt yn dod o glytiau cotwm na rhai papur – mae brech clwt yn cael ei achosi gan lawer o ffactorau megis diet ac alergeddau.

I annog mwy o rieni yn Sir Ddinbych i ailgylchu, mae'r Cyngor yn cynnig cymhelliad ariannol i rieni sy'n defnyddio clytiau ailddefnyddiadwy.

Cynllun Cymell

Mae'r Cyngor yn cynnig talebau gwerth hyd at £75 i'w defnyddio fel rhandal naill ai ar gyfer prynu clytiau go iawn neu i ddefnyddio'r Gwasanaeth Golchi Clytiau Go Iawn.

I gymhwyso:

Rhaid i chi a'ch plentyn fyw yn Sir Ddinbych
Rhaid i'ch plentyn fod rhwng 0 a 18 mis oed

Byddwch yn derbyn talebau gwerth £25 yr un pan fo eich baban yn 0-3 mis oed, 4-9 mis a 10-18 mis oed.

Dylech anfon copi o'r Dystysgrif Geni a dau fil amwynderau (utilities bills) diweddar neu eich bil Treth y Cyngor diweddaraf. Rydym nawr yn derbyn MAT B1 yn lle'r dystysgrif geni gan rieni sy'n dymuno gwneud cais am dalebau cyn geni'r babi.

Preswylwyr Sir Ddinbych cysylltwch a -

Rhif ffôn: 01824 706100

E-bostiwch: gwasanaethcwsmer@sirddinbych.gov.uk

Preswylwyr Sir Fflint cysylltwch a -

Rhif ffôn: 01352 701714

E-bostiwch: kerbsiderecycling@flintshire.gov.uk

Gwefan: www.siryfflint.gov.uk

Derbynnir y talebau hyn gan y cwmnïau canlynol:

BabyKind - Ffôn: 01286 882617 - Gwefan: www.babykind.co.uk

Babipur - Ffôn: 01766 770644 - Gwefan: www.babipur.co.uk

Bambino Mio - Gwefan: www.bambinomio.com

Buzz Baby - Gwefan: www.buzzbaby.co.uk