Gwastraff masnach

Nid yw’r gwasanaeth casglu gwastraff masnach yn gynwysedig yn y trethi busnes felly mae yna daliad am gasglu a gwaredu. Gallwch ddewis defnyddio’r gwasanaeth a ddarparwn ni neu gallwch wneud eich trefniadau eich hun efo contractwr rheoli gwastraff trwyddedig preifat. Ni allwch ddefnyddio’r gwasanaeth domestig i waredu gwastraff masnach ac ni chaniateir mynediad i’r Parciau Ailgylchu ar gyfer gwaredu gwastraff masnach. 

Sut allaf i drefnu casgliad?

Bydd angen i chi gysylltu â’n canolfan gwasanaethau cwsmeriaid ar 01824 706000 i drefnu gwasanaeth casglu. Bydd arnoch hefyd angen y cynhwysydd gwastraff /label priodol (a restrir isod) a chontract wedi’i arwyddo. 

Labeli gwasanaeth casglu cardfwrdd

Gellir prynu dalennau o 14 o labeli gwasanaeth casglu cardfwrdd o’r  Siopau Un Stop am £18.00 y ddalen. 

Sachau Brown a gwastraff masnach

Gellir prynu sachau gwastraff masnach am £2.08 o’r Siopau Un Stop. Mae’r pris yn cynnwys casglu a gwaredu, a’r archeb leiaf ydi 10 sach. Mae lluosrifau o 100 ar gael am bris gostyngol o £1.96 y sach. Os hoffech chi iddyn nhw gael eu danfon atoch chi, y lleiafswm pryniant ydi 100 sach. Fe ofynnir i chi gwblhau ac arwyddo Nodyn Trosglwyddo Gwastraff bob tro y byddwch yn prynu’r sachau masnach. 

Sachau ailgylchu masnach

Gellir prynu sachau ailgylchu masnach o Siopau Un Stop am £10.00 am 10 sach, neu gallwch brynu un rolyn o 52 am £50 yn cynnwys eu danfon. Mae gwybodaeth ar beth i’w roi yn y sachau hyn i’w chael yn ein taflen

Biniau Olwyn

Gallwn gynnig gwasanaeth bin olwyn i fusnesau. Bydd angen i chi gysylltu â’n canolfan gwasanaethau cwsmeriaid ar 01824 706000 i drefnu gwasanaeth bin olwyn. Gallwn gynnig biniau olwyn tirlenwi ac ailgylchu’n seiliedig ar y symiau canlynol:

(Pris yn cynnwys llogi’r bin, 1 casgliad a Nodyn Trosglwyddo Gwastraff blynyddol)

Bin olwyn gwastraff tirlenwi

Bin olwyn     Pris
 1280L/1100L    £24.56   
 660L    £14.26
 360L    £7.90
 240L    £5.48 

 

Bin olwyn ailgylchu

Gallwch weld pa ddefnyddiau y gellir eu hailgylchu drwy ddarllen ein taflen ailgylchu.

Bin olwyn     Pris
 1280L    £10.00
 660L    £8.00
 360L    £4.00
 240L    £2.00 

The rates set out above will remain in force until 1st April 2017 and may be varied by a minimum of one month's notice thereafter. 

Casgliad eitemau swmpus

Gallwch drefnu i eitemau swmpus gael eu casglu. I ffeindio pa eitemau y gallwn eu casglu a faint y mae’n ei gostio, cysylltwch â’r gwasanaethau cwsmeriaid ar 01824 706 000

Landlordiaid

Rydyn ni hefyd yn cynnig gwasanaeth i helpu Landlordiaid i waredu unrhyw eitemau nad oes eu heisiau neu ddodrefn a adawyd gan gyn-denantiaid. Darllenwch ein taflen i gael mwy o wybodaeth

Mwy o wybodaeth

Gallai masnachwyr sy’n methu yn eu dyletswydd gofal wrth ddelio â gwastraff fod yn euog o drosedd dan Adran 34 Deddf Diogelu’r Amgylchedd 1990, sydd â chosb uchaf o £5,000 mewn llys ynadon, neu ddirwy anghyfyngedig o gael eu heuogfarnu mewn llys y goron. Mae’n ofynnol i chi, drwy gyfraith, gynhyrchu copïau o’ch nodiadau Dyletswydd Gofal Trosglwyddo Gwastraff pan fydd swyddog awdurdodedig yn gofyn i chi brofi eich bod yn gwaredu eich gwastraff mewn ffordd gyfrifol.