Sgwrs y Sir

Sgwrs y Sir yw ein hymgyrch i ganfod beth sy’n fwyaf pwysig i chi a’n helpu i wneud yn siŵr ein bod yn canolbwyntio ar y meysydd iawn.

county-conversation

Cliciwch ar gam isod i gael gwybod mwy.

 
Cam 1 

Digwyddodd Cam 1 Sgwrs y Sir yn ystod yr haf 2016, gwnaethom ofyn i bobl am eu dyheadau hirdymor ar gyfer dyfodol eu cymunedau. Cawsom amrywiaeth o safbwyntiau, gyda negeseuon cyson yn dod o bob rhan o’r Sir. Gwnaeth hyn, ynghyd ag ystadegau, ein helpu i lunio’r rhestr ddrafft ganlynol o themâu sy’n bwysig i chi;

  • Mynediad at wasanaethau
  • Ffyrdd o Fyw Egnïol
  • Addysg
  • Cyfleoedd cyflogaeth a busnes
  • Tai
  • Lleoliadau a Digwyddiadau Adloniant
  • Gwasanaeth Integredig Iechyd a Gofal Cymdeithasol
  • Yr Amgylchedd Naturiol

Gallwch ddarllen manylion llawn yr hyn rydym wedi’i ddysgu o gam 1 yn ein hadroddiad cam 1 Sgwrs y Sir

Cam 2

Digwyddodd Cam 2 ar ddiwedd 2016. Gwnaethom ofyn i bobl ystyried y rhestr o themâu a nodwyd yng ngham 1, a dewis lefel o bwysigrwydd ar gyfer pob dyhead. Cawsom fwy na 1500 o ymatebion gan breswylwyr Sir Ddinbych a gwnaethom allu nodi blaenoriaethau allweddol i fwrw ymlaen â hwy

Gallwch ddarllen manylion llawn yr hyn rydym wedi’i ddysgu o gam 2 yn ein hadroddiad cam 2 Sgwrs y Sir


Amcanion newydd a datganiad lles

Rydym wedi adolygu dros yr holl adborth a dderbyniwyd dros gyfnod 1 a 2 o Sgwrs y Sir, a chytunwyd y Blaenoriaethau Corfforaethol canlynol gan ein Cyngor newydd ym mis Hydref 2017;

  • Mae pawb yn cael eu cefnogi mewn cartrefi sy’n diwallu eu hanghenion
  • Mae cymunedau wedi eu cysylltu ac mae mynediad ganddynt at nwyddau a gwasanaethau yn lleol, ar-lein neu drwy gysylltiadau cludiant da
  • Mae’r Cyngor yn gweithio gyda phobl a chymunedau i feithrin annibyniaeth a gwydnwch
  • Mae’r amgylchedd yn ddeniadol ac yn cael ei warchod, gan gefnogi lles a ffyniant economaidd
  • Mae pobl iau eisiau byw a gweithio yma, ac mae ganddynt y sgiliau i wneud hynny

Mae ein datganiad Lles yn egluro sut y dylai’r amcanion hyn wella lles ein cymunedau

Darllenwch ein datganiad Lles

Mae ein Cynllun Corfforaethol yn cael ei arwain gan ein blaenoriaethau corfforaethol. Dysgwch ragor am ein Cynllun Corfforaethol

Mae’n ofyniad cyfreithiol bod Cyngor Sir Ddinbych yn cyhoeddi Amcanion Lles  (dan Fesurau Deddf Llesiant Cenedlaethau’r Dyfodol 2015) ac Amcanion Gwella (dan Fesurau Llywodraeth Leol 2009). Mae’r blaenoriaethau o fewn ein Cynllun Corfforaethol yn mynd i’r afael â gweithredu fel yr amcanion hyn.