Ynglŷn â'r rolau

Pwrpas y Swydd

• Bod yn gyfrifol am arweinyddiaeth a rheolaeth broffesiynol, strategol a gweithredol y Gwasanaeth/au, gan gynnwys arwain ar ddatblygiad a gweithrediad blaenoriaethau’r gwasanaeth.
• Cefnogi’r Prif Weithredwr a Chyfarwyddwyr Corfforaethol gyda rheolaeth gyffredinol y Cyngor drwy’r gwasanaethau penodol gan sicrhau bod blaenoriaethau, strategaethau a phrif brosiectau’r Cyngor yn cael eu darparu’n effeithiol.
• Darparu arweinyddiaeth i wasanaethau penodol y Cyngor drwy fod yn aelod o’r Uwch Dîm Arweinyddiaeth, gan sicrhau datblygiad polisi a darpariaeth gwasanaeth integredig.
• Chwarae rôl allweddol i gynyddu perfformiad ac effeithlonrwydd ar draws y Cyngor a’i bartneriaid er budd y gymuned.

Prif Atebolrwydd a Chyfrifoldebau

Arweinyddiaeth

• Darparu arweinyddiaeth strategol ac effeithiol ar y cyd â phenaethiaid gwasanaethau eraill ar gyflawni cynlluniau penodol fel y diffinnir o fewn y maes gwasanaeth ac ar draws y Cyngor i ddarparu mentrau corfforaethol.
• Darparu amgylchedd dysgu ac ymagwedd gadarnhaol, rhagweithiol a hyblyg wrth wneud penderfyniadau.
• Darparu cefnogaeth a chyngor proffesiynol i Aelodau a Chyfarwyddwyr Corfforaethol i gefnogi'r gwaith o gyflawni amcanion y Cyngor ac i gyflawni cyfrifoldeb statudol y Cyngor.
• Bod yn esiampl o ddiben a gweledigaeth y sefydliad a sicrhau bod rheolwyr yn canolbwyntio ar gyflawni'r weledigaeth honno.

Darparu Gwasanaeth

• Sicrhau bod ystod briodol o wasanaethau cyfoes yn cael eu cynllunio, eu comisiynu a’u darparu sy’n diwallu anghenion defnyddwyr gwasanaeth, gan gynnwys datblygu cynlluniau busnes.
• Sicrhau bod y gwasanaethau hyn yn cael eu trefnu’n effeithiol, yn gost effeithlon, yn cael eu hadolygu a’u hailddylunio’n systematig lle bo’r angen.
• Sicrhau gwasanaethau o safon uchel sy’n bodloni canllawiau a safonau statudol ac arfer da.
• Bod yn ymroddedig i ddarparu gwasanaeth ardderchog i gwsmeriaid er mwyn bodloni disgwyliadau a bodloni anghenion cwsmeriaid, a hyrwyddo Dull Sir Ddinbych.

Datblygu Polisïau a Strategaethau Gwasanaeth a Chorfforaethol

• Datblygu a gweithredu polisïau a strategaethau sy'n darparu safonau uchel a gwelliant parhaus o ran canlyniadau a safonau ar gyfer y gwasanaeth.
• Creu a datblygu partneriaethau effeithiol gydag adrannau mewnol ac asiantaethau allanol a sefydliadau yn y sectorau cyhoeddus, preifat a'r trydydd sector er mwyn gwneud y gorau o'r adnoddau sydd ar gael i'r Cyngor o ran cyflawni ei nodau ac amcanion strategol.

Newid a Gwelliant Parhaus

• Hyrwyddo newid a gwelliant o ran eu gwasanaethau penodol a'r Cyngor yn gyffredinol.
• Cyfathrebu a darparu gweledigaeth ar gyfer gweithwyr mewn perthynas â newidiadau a gwelliant.
• Paratoi’r Cyngor ar gyfer llwyddiant yn y dyfodol trwy ganfod cyfleoedd newydd.

Rheoli Adnoddau

• Bod yn bennaf atebol am reoli adnoddau yn y maes/meysydd gwasanaeth penodol.
• Sicrhau bod cyllidebau ac adnoddau eraill wedi’u cynllunio, yn cael eu monitro a’u rheoli a bod gwariant yn cael ei reoli i sicrhau bod pob rheolwr gwasanaeth yn deall ac yn derbyn cyfrifoldeb am gydbwyso cyllidebau.
• Sicrhau strwythur clir o atebolrwydd a rheolaeth.
• Gwneud y mwyaf o’r adnoddau sydd ar gael i’r gwasanaeth i gyflawni ei nodau ac amcanion strategol.

Diogelwch, Ansawdd a Rheoli Perfformiad

• Sefydlu a rheoli systemau a gweithdrefnau sy'n sicrhau amgylchedd gwaith diogel, yn unol â; Nodiadau Cyfarwyddyd HSE, deddfwriaeth berthnasol, a pholisïau'r Cyngor.
• Sicrhau bod staff yn derbyn yr hyfforddiant, cefnogaeth ac adnoddau angenrheidiol i ymgymryd â’u rôl yn ddiogel. Hyrwyddo diwylliant iechyd a diogelwch cadarnhaol, ac arwain drwy esiampl.
• Sicrhau bod gwybodaeth ariannol, data ansawdd gwasanaeth a chanlyniadau yn cael eu casglu’n gywir a defnyddio data perfformiad yn barhaus.
• Defnyddio cynlluniau busnes a phrosiect, dangosyddion perfformiad a mesuryddion canlyniadau i arddangos diwylliant o berfformiad uchel.
• Sefydlu fframwaith i sicrhau arferion proffesiynol o safon yn y gwasanaethau, gan gynnwys cynnal archwiliadau ymarfer rheolaidd ac arsylwadau gan reolwyr ar bob lefel yn y Gwasanaeth a dulliau adrodd yn y prosesau rheoli.

Rheoli Risg

• Adolygu holl weithgareddau a phrosiectau’r gwasanaeth yn rheolaidd i sicrhau bod risgiau yn cael eu rheoli’n briodol.
• Sicrhau rheoli risgiau drwy asesu risg, gweithdrefnau monitro risg, a mesurau lliniaru risg gan gynnwys risgiau i weithwyr, aelodau o'r cyhoedd, cwsmeriaid y cyngor, asedau'r cyngor, risgiau diogelu a risgiau i enw da'r cyngor. Mae’r meysydd risg y dylid eu rheoli yn cynnwys: rheoli data, parhad busnes, diogelwch tân ac iechyd a diogelwch.

Cyfrifoldebau Adnoddau Dynol

• Sicrhau rheolaeth gyson ac ansawdd uchel o berfformiad staff.
• Sicrhau datblygiad cynllun gweithlu mewn cydweithrediad â phrosesau cynllunio busnes, gweithio ar y cyd ar draws y Cyngor a chyda chyrff allanol i ddiwallu anghenion y cynllun.
• Rheoli absenoldeb i gyrraedd targedau perfformiad allweddol.
• Sicrhau perthnasau a chyfathrebu effeithiol ac adeiladol gyda’r staff.
• Sicrhau recriwtio effeithiol a chynaliadwy i gyflawni amcanion y sefydliad.

Cydraddoldeb a Chynaliadwyedd

• Sicrhau bod y gwasanaeth yn diwallu ei gyfrifoldebau cydraddoldeb a chynaliadwyedd o dan y gofynion deddfwriaethol penodol.

Cyfrifoldebau Dirprwyedig

• Cyflawni dyletswyddau a chyfrifoldebau o'r fath a bennir yn rhesymol gan y Prif Weithredwr a'r Cyfarwyddwr Corfforaethol o dan y cynllun dirprwyo.

Amcanion Allweddol a Rhaglenni Corfforaethol

• Bydd Amcanion Allweddol ac Arweinyddiaeth y Rhaglen Gorfforaethol yn cael eu cynnig a'u trafod â deiliad y swydd a’u monitro gan y Cyfarwyddwr.