Mae eira wedi disgyn ar draws llawer o Sir Ddinbych dros nos a disgwylir iddo barhau trwy gydol heddiw. Dyma'r sefyllfa ddiweddaraf yn y sir.
Ffyrdd: Mae pob llwybr wedi cael ei drin ddwywaith dros nos ac mae timau graeanu ar ddyletswydd ac yn patrolio pob llwybr heddiw.
Rydym yn profi rhai anawsterau ar y llwybrau canlynol ar draws y rhwydwaith:
Cau Ffyrdd:
Bwlch yr Oernant, Llangollen
Pob llwybr i Moel Famau
Mae'r ffyrdd hyn yn parhau i fod ar agor ar hyn o bryd ac mae modd eu pasio gyda gofal:
Bwlch Nant y Garth
Rhydtalog
Llandegla
Clwyd Gate (Rhuthun o'r Wyddgrug)
Gwasanaethau bysiau: Gofynnir i deithwyr sy'n ceisio defnyddio gwasanaethau bysiau y bore yma gynllunio ar gyfer rhywfaint o aflonyddwch, oherwydd eira.
Mae'r gwasanaeth X51 rhwng Dinbych a Wrecsam wedi'i atal i'r de o Ruthun ar hyn o bryd.
Mae'r holl wasanaethau rhwng Rhuthun a'r Wyddgrug ar hyn o bryd yn defnyddio prif ffordd yr A494 ac nid ydynt yn dargyfeirio drwy bentrefi.
Ni fydd y gwasanaeth 192 Melin y Wig i Langollen yn gweithredu.
Casglu Gwastraff: Oherwydd y tywydd bydd tarfu ar wasanaethau casglu gwastraff yn ne'r sir. Darperir diweddariadau pellach drwy gydol y dydd.
Ysgolion: Ysgol Bro Famau, Ysgol Carreg Emlyn, Ysgol Llanfair Dyffryn Clwyd, Ysgol Tremeirchion, Ysgol Bodfari, Ysgol Pant Pastynog, Ysgol Betws Gwerful Goch, Ysgol Plas Brondyffryn ac Ysgol Bro Cinmeirch ar gau i blant y mae'n ofynnol iddynt fod ar safle'r ysgol. Nid yw dysgu ar-lein yn cael ei effeithio ac mae'n parhau ar gyfer pob ysgol.
Tai: Mae canolfan gyswllt tai'r Cyngor yn dal ar agor ond ar hyn o bryd dim ond ymateb i alwadau brys ac acrgyfwng.