Heddiw (Dydd Sadwrn), bu Cyngor yr Esgyniad yn ymgynnull ym Mhalas St James i gyhoeddi esgyniad y Brenin Charles III yn ffurfiol a chyhoeddwyd y proclamasiwn mewn lleoliadau ym mhob cwr o’r Deyrnas Unedig.
Darllenir y proclamasiwn ar gyfer Sir Seremonïol Clwyd am 1pm ddydd Sul, 11 Medi 2022, y tu allan i Neuadd y Sir, yr Wyddgrug.
Traddodir y proclamasiwn gan Uchel Siryf Clwyd, a bydd yr Arglwydd Raglaw a phobl bwysig o bob un o’r pedwar cyngor o fewn hen ffiniau Clwyd yn ymuno.
Gan ei fod yn agored i’r cyhoedd, y mae croeso i breswylwyr Conwy, Sir Ddinbych, Sir y Fflint a Wrecsam fod yn bresennol i fod yn dystion i’r foment hanesyddol hon.
Yn dilyn darllen proclamasiwn Clwyd, cynhelir digwyddiadau lleol er mwyn clywed y darlleniad am 2.30pm yn y lleoliadau a restrir isod, sydd hefyd yn agored i’r cyhoedd.
- Neuadd y Sir, Rhuthun, Sir Ddinbych (y grisiau cefn)
- Neuadd y Sir, yr Wyddgrug, Sir y Fflint, CH7 6NF
- Neuadd y Dref, Wrecsam (balconi).