Mae gwaith i ddymchwel adeilad anniogel ar Stryd Fawr y Rhyl wedi'i gwblhau.
Mae'r gwaith o ddymchwel 123-125 Stryd Fawr wedi'i wneud i ddiogelu’r safle yn dilyn arolwg gan beirianwyr adeileddol a oedd o'r farn bod yr adeilad yn anniogel ac yn berygl i'r cyhoedd.
Mae cynnydd ar y gwaith dymchwel yn golygu bod y Stryd Fawr Isaf bellach ar agor i draffig.
Y Contractwyr Wye Valley Construction wnaeth y gwaith dymchwel ar ran Cyngor Sir Ddinbych.
Dywedodd Emlyn Jones, Pennaeth Gwasanaethau Cynllunio, Gwarchod y Cyhoedd a Chefn Gwlad y Cyngor: "Roedd angen dymchwel yr adeiladau hyn er mwyn cadw'r cyhoedd yn ddiogel.
"Mae'r gwaith yn cael ei gwblhau cyn gynted â phosibl tra'n sicrhau ei fod yn cael ei wneud yn ddiogel. Rydym yn gwerthfawrogi'r aflonyddwch a achoswyd gan gau'r ffordd a hoffem ddiolch i fusnesau ac aelodau'r cyhoedd am eu hamynedd a'u dealltwriaeth yn ystod y cyfnod hwn.
"Mae'r adeilad hwn yn chwarae rhan yn ein gweledigaeth ehangach i adfywio Canol Tref y Rhyl a bydd yn ategu gwaith datblygu arall sy'n gysylltiedig â'r prosiect hwn.
"Er nad oes unrhyw gynlluniau ffurfiol wedi'u llunio na'u mabwysiadu ar gyfer y safle, byddwn yn gweithio gyda'r gymuned ac yn cynnal ymgynghoriad llawn ar unrhyw gynlluniau, a fydd yn ddarostyngedig i'r broses gynllunio, wrth iddynt ddatblygu."