Cefnogaeth i blant sy’n dechrau yn y meithrin: Arferion iach

Gall arferion iach dyddiol helpu i wneud i’ch plentyn deimlo’n hapus, yn iach ac yn barod i ddysgu. Mae digon o gwsg, bwyta’n iach, sgiliau gofal personol a chyfleoedd i siarad a chwarae oll yn helpu plant i ddatblygu’r hyder ac annibyniaeth maent eu hangen ar gyfer yr ysgol a thu hwnt.

Nid paratoi plant ar gyfer yr ysgol yn unig y mae’r arferion yma. Maent yn helpu plant i feithrin sgiliau bywyd pwysig sy’n cefnogi eu lles, eu dysgu a’u datblygiad bob dydd.

Cwsg ac arferion amser gwely

Mae noson dda o gwsg yn helpu plant i ganolbwyntio, rheoli eu hemosiynau a mwynhau dysgu.

Ceisiwch:

• gadw amser gwely ac amser deffro yr un fath bob diwrnod pan fo’n bosibl.
• anelwch am 10 i 13 awr o gwsg bob noson i blant 3-5 mlwydd oed.
• diffoddwch y teledu, tabledi, ffonau a sgriniau eraill o leiaf un awr cyn amser gwely.
• dilynwch drefn amser gwely tawel, megis:
  • cael bath
  • brwsio dannedd
  • darllen stori gyda’ch gilydd
  • siarad am y diwrnod

Gall gwybod beth sydd i ddod o ran y drefn amser gwely helpu eich plentyn i deimlo’n ddiogel a’i gwneud hi’n haws iddynt ddisgyn i gysgu.

More information about sleep and bedtime routines

Gallwch gael mwy o wybodaeth o:

• The Sleep Charity (gwefan allanol)
• Cyngor ar Gwsg Betsi Cadwaladr (gwefan allanol)

Hylendid personol a hunan-ofal

Mae annog plant i edrych ar ôl eu hunain yn helpu iddynt deimlo’n hyderus ac yn annibynnol.

Cefnogwch eich plentyn i:

• ddefnyddio’r tŷ bach yn annibynnol a dweud wrth oedolyn os ydynt angen help
• sychu, fflysio a golchi eu dwylo ar ôl defnyddio’r tŷ bach
• defnyddio hances bapur pan fyddant yn tagu neu’n tisian a’i roi yn y bin wedyn
• golchi eu dwylo cyn bwyta, ar ôl defnyddio’r tŷ bach ac ar ôl chwarae tu allan
• brwsio eu dannedd dwywaith y dydd - defnyddiwch fideo dau funud o hyd gan Cyw ar S4C (gwefan allanol) i helpu i wneud y drefn yn hwyl i’ch plentyn

Mae’r sgiliau yma’n helpu plant i aros yn iach a theimlo’n fwy hyderus yn ystod y diwrnod ysgol.

Mwy o wybodaeth am hylendid personol a hunan-ofal

Gallwch gael mwy o wybodaeth o:

• Iechyd Cyhoeddus Cymru: Iechyd deintyddol ar gyfer plant (gwefan allanol)
• Bwrdd Iechyd Prifysgol Betsi Cadwaladr: Bwyta’n iach i blant (gwefan allanol)
• Bwrdd Iechyd Prifysgol Betsi Cadwaladr: Gwasanaethau Deintyddol Cyffredinol (gwefan allanol)

Magu annibyniaeth

Mae rhoi cyfleoedd i blant wneud pethau eu hunain yn eu paratoi ar gyfer bywyd ysgol bob dydd.

Anogwch eich plentyn i:

• wisgo a thynnu eu côt yn annibynnol.
• ymarfer defnyddio sipiau, botymau a Velcro.
• rhoi eu hesgidiau ymlaen ar eu pen eu hunain.
• agor eu bocs cinio, cynwysyddion byrbrydau a photel ddŵr.
• helpu i gadw teganau a’u heiddo.

Cofiwch, mae dysgu’r sgiliau yma’n cymryd amser ac ymarfer. Canmolwch ymdrechion eich plentyn a dathlwch eu cynnydd.

Bwyta’n iach ac arferion boreol

Mae brecwast iach yn helpu plant i gael mwy o egni a theimlo’n barod am y diwrnod sydd i ddod.

Mae syniadau’n cynnwys:

• grawnfwyd cyflawn
• tost
• ffrwythau
• iogwrt
• llaeth neu ddŵr i yfed

Gall creu arferion boreol tawel hefyd helpu plentyn i gychwyn eu diwrnod yn teimlo’n gadarnhaol ac wedi paratoi.

Cyfathrebu a lles emosiynol

Mae plant angen teimlo’n hyderus yn mynegi eu meddyliau, teimladau ac anghenion.

Gallwch helpu trwy:

• siarad gyda’ch gilydd trwy gydol y diwrnod.
• gofyn cwestiynau syml a gwrando ar eu hatebion.
• rhoi dewisiadau, megis “Wyt ti eisiau afal neu fanana?”
• eu hannog i siarad am sut maent yn teimlo.
• chwarae gemau sy’n golygu gwrando a chymryd tro, megis “Seimon yn dweud” neu gemau bwrdd syml.

Mae’r gweithgareddau yma’n helpu plant i ddatblygu’r sgiliau cyfathrebu a chymdeithasol sydd eu hangen arnynt i wneud ffrindiau a gofyn am gymorth pan maent ei angen.

Mwy o wybodaeth am gyfathrebu a lles emosiynol

Gallwch gael mwy o wybodaeth ar y gwefannau canlynol:

• Datblygiad cymdeithasol ac emosiynol
• Lleferydd, iaith, a chyfathrebu