Cronfa Ffyniant Bro: Parc Poced Porth Canol Tref y Rhyl

Cefndir y prosiect

Mae Parc Poced Porth Canol Tref y Rhyl yn brosiect adfywio allweddol wedi’i gefnogi gan Rownd 3 Cronfa Ffyniant Bro Llywodraeth y DU. Ar ochr ddeheuol Stryd Fawr y Rhyl, ger cyffordd Brighton Road, roedd yr hen safle yn cynnwys adeiladau anniogel. Cafodd y rhain eu dymchwel yn 2022 gyda chyllid drwy raglen Trawsnewid Trefi Llywodraeth Cymru.

Yn hytrach nag ailddatblygu’r safle gydag adeiladau newydd, mae Cyngor Sir Ddinbych yn trawsnewid y safle i greu ardal werdd fechan a bywiog o’r enw "parc poced". Wedi’i gynllunio i greu mynediad mwy deniadol a chroesawgar i ganol y dref, bydd y parc yn lle i bobl fwynhau’r parth cyhoeddus newydd. Mae’r fenter yn ffurfio rhan o raglen Balchder Bro a’r Amgylchedd Naturiol ehangach y Cyngor, sy’n ceisio gwella ansawdd lleoliadau a hyrwyddo lles ar draws y Rhyl.

Pwyntiau allweddol

Rydym yn gobeithio y bydd y prosiect yn:

1. Disodli adeiladau anniogel a hyll, gan wella mynediad allweddol i ganol y dref.
2. Yn ategu gwelliannau parth cyhoeddus eraill wedi’u hariannu drwy raglenni Balchder Bro a’r Amgylchedd Naturiol Llywodraeth y DU.
3. Yn cefnogi adfywiad canol y dref, gwella bioamrywiaeth a chynyddu brigdwf.

Y sefyllfa bresennol

Mae’r safle bellach wedi’i glirio’n rhannol, ac mae cynlluniau dylunio manwl ar gyfer y parc poced newydd wedi’u datblygu.  Cynhaliwyd ymgynghoriad cyhoeddus ar ddechrau 2025 i gasglu adborth ar y cynllun arfaethedig. 

Mae’r cais cynllunio a’r ceisiadau am ganiatâd ar gyfer ardal gadwraeth wedi’u cyflwyno.  Gan fod y safle yn disgyn o fewn ardal gadwraeth ddynodedig, mae angen y ddau gais i symud y prosiect yn ei flaen.

Yn amodol ar gymeradwyaeth, rhagwelir y bydd y gwaith adeiladu yn cychwyn ar ddechrau 2026.

Oriel

Mae argraffiadau artist o’r parc yn dangos cynllun arfaethedig y parc poced. Bydd yn darparu gofod cyhoeddus croesawgar gyda llefydd eistedd newydd, planhigion, goleuadau a lle i gadw beics. Mae’r cynllun yn cynnwys palmentydd gwell, adfer arwyddion treftadaeth a gwella mannau gwyrdd i greu amgylchedd mwy deniadol i breswylwyr ac ymwelwyr.

Ymgynghori

Diolch i bawb a gymerodd ran yn yr ymgynghoriad diweddar ar y Parc Poced arfaethedig ym Mhorth y Rhyl.  Rydym yn ddiolchgar am yr amser a’r syniadau y mae preswylwyr, busnesau ac ymwelwyr wedi’u cyfrannu i helpu i siapio dyfodol y gofod hwn. 

Pwy wnaeth ymateb?

Derbyniwyd cyfanswm o 101 o ymatebion. Roedd y mwyafrif o’r cyfranogwyr yn breswylwyr a pherchnogion busnes lleol.

Beth ddwedoch chi wrthym ni - adborth cadarnhaol

Roedd yr ymgynghoriad yn dangos cefnogaeth eang i ddyluniad y Parc Poced arfaethedig.  Dyma’r uchafbwyntiau:

• Roedd coed a phlannu cynhenid yn cael ei groesawu am eu cyfraniad i fioamrywiaeth ac ansawdd amgylcheddol cyffredinol yr ardal.
• Roedd cynnwys mynediad gwastad drwy gydol y parc yn cael ei gefnogi i sicrhau hygyrchedd i bawb.
• Roedd amrywiaeth o ddewisiadau eistedd yn cael ei weld fel nodwedd werthfawr, gan gynnig hyblygrwydd i fwynhau’r amgylchoedd.
• Roedd adfer yr arwydd hanesyddol, a gafodd ei ddarganfod yn ystod y gwaith dymchwel, yn cael ei werthfawrogi fel ffordd o ddathlu cymeriad a threftadaeth y Rhyl.
• Yn gyffredinol, roedd y cynllun yn cael ei weld fel gwelliant sylweddol ar gyflwr presennol y safle, gyda llawer o’r ymatebwyr yn teimlo’n optimistaidd am ei botensial i wella’r porth i’r Rhyl.

Beth ddwedoch chi wrthym ni – pryderon allweddol

Tra bod llawer o’r ymatebwyr yn cefnogi’r prosiect, codwyd nifer o bryderon:

• Y posibilrwydd o ymddygiad gwrthgymdeithasol a defnydd amhriodol o’r ardal
• Pwysigrwydd gwaith cynnal a chadw parhaus, yn enwedig mewn perthynas â sbwriel, fandaliaeth a baw cŵn
• Awgrymiadau y gellid cyfeirio cyllid yn well at flaenoriaethau lleol eraill
• Cymorth cyfyngedig ar gyfer storio beics, gyda rhai yn cwestiynu ei berthnasedd i’r lleoliad
• Argymhellion ar gyfer teledu cylch caeëdig i helpu i sicrhau bod y parc yn parhau i fod yn amgylchedd diogel a chroesawgar