Cyhoeddwyd canlyniad yr isetholiad a gynhaliwyd ar gyfer Adran Etholiadol Llandrillo ar Gyngor Sir Dinbych.
Cafodd ymgeisydd Plaid Cymru Gwyneth Ellis 179 o bleidleisiau ac fe’i hetholwyd i’r swydd yn ystod y bleidlais a gynhaliwyd ddydd Iau, 11 Tachwedd.
Cafodd yr ymgeisydd annibynnol David Robinson 140 o bleidleisiau tra cafodd Julian Sampson, ymgeisydd Plaid Geidwadol Cymru, 88 pleidlais.
Y ganran a bleidleisiodd oedd 42 y cant a gwrthodwyd un papur pleidleisio.
Ceir manylion llawn y bleidlais yn www.denbighshire.gov.uk/cy/eich-cyngor/pleidleisio-ac-etholiadau/isetholiadau.aspx