Gwneud cais am garej cyngor

Mae gennym nifer o garejis ar gael i’w rhentu ar draws Sir Ddinbych. Mae’r rhain ar gyfer defnydd preifat, er mwyn storio cerbyd.

Gall unrhyw un rentu garej gennym ni; nid oes rhaid i chi fod yn denant i'r cyngor.

Sut y mae gwneud cais am garej y cyngor?

Gallwch wneud cais i rentu garej gennym drwy gwblhau'r ffurflen gais hon a'i dychwelyd i'r cyfeiriad sydd ar y ffurflen. Gallwch nodi hyd at 5 ardal ble yr hoffech gael garej.

Ffurflen gais rhestr aros am garej (PDF, 762KB)

Pan fyddwn yn derbyn eich cais, byddwn yn rhoi eich enw ar y rhestr aros, ac yn rhoi gwybod i chi pan fydd garej ar gael. Rydym yn dyrannu garejis yn ôl y rhestr aros, ac yn rhoi blaenoriaeth i'r rhai sydd wedi bod yn aros hiraf.

Faint fydd y gost?

Codir rhent yn wythnosol. Gall unrhyw un rentu garej gennym ni, ond bydd y rhent ychydig yn is ar gyfer tenantiaid y cyngor.

Garej (ar gyfer tenantiaid y cyngor) - £7.33 yr wythnos

Garej (ar gyfer unigolion nad ydynt yn denantiaid y cyngor) - £8.80 yr wythnos

Sut i ddod â thenantiaeth y garej i ben?

Mae angen rhoi pythefnos o rybudd ar bapur os ydych yn dymuno dod â thenantiaeth y garej i ben.

Anfonwch lythyr at:

Cyngor Sir Ddinbych,
Blwch Post 62,
Rhuthun
LL15 9AZ

Pan fyddwch yn dychwelyd yr allweddi mae'n rhaid i'r garej fod yn wag ac wedi'i hysgubo. Sylwer y bydd cost os oes rhaid i ni ei chlirio ar eich rhan.