Rydym yn cynnig gwasanaeth casglu ar gyfer eitemau mawr. Mae yna gost am ddefnyddio'r gwasanaeth hwn a gallwch ddarganfod pa eitemau rydym yn eu casglu a pha rai nad ydym yn eu casglu.
Eitemau rydym yn eu casglu
Eitemau rydym yn eu casglu
- Cadair freichiau
- Sylfaen Gwely
- Bwrdd wrth ochr y gwely
- Beic
- Cwpwrdd llyfrau
- Cadair
- Cist o ddroriau
- Desg
- Cadeiriau Bwyta (hyd at 6)
- Bwrdd bwyta
- Cabinet arddangos
- Matres gwely dwbl
- Sylfaen gwely dwbl
- Bwrdd gwisgo
- Cwpwrdd ffeilio
- Rhewgelloedd ( Rhaid i fod yn wag )
- Oergelloedd ( Rhaid i fod yn wag )
- Dodrefn gardd
- Microdonnau
- Poptai
- Matres Gwely sengl
- Sylfaen Gwely sengl
- Seidbord
- Soffa
- Bwrdd
- Setiau Teledu
- Cwpwrdd dillad
- Peiriannau Golchi
- Dreser Cymreig
Eitemau na fyddwn yn eu casglu
Eitemau na fyddwn yn eu casglu
Nid yw’r rhestr hon yn un gyflawn
- Asbestos
- Setiau dodrefn ystafelloedd ymolchi (llawn neu ran ohonynt)
- Gwastraff adeiladwyr / gwastraff DIY
- Rhannau car / teiars
- Boeleri haearn bwrw
- Cemegolion
- Setiau o ddodrefn gwely wedi’u gosod
- Unedau cegin wedi’u gosod
- Cynwysyddion nwy
- Deunyddiau peryglus
- Cynwysyddion diwydiannol
- Paneli Ffens
- Pecynnu diwydiannol
- Drychau
- Pianos
- Rheiddiaduron
- Rwbel, cerrig, pridd, brics
- Ffenestri neu ddrysau
Os bydd gennych unrhyw eitem arall yr ydych yn ansicr y gellir ei gasglu ai peidio, cysylltwch â ni gan ei bod yn bosib y gallem ei gasglu.
Gwybodaeth am y Nadolig a'r Flwyddyn Newydd
Gan fod CAD, y cwmni sy’n gweithredu’r gwasanaeth casgliadau eitemau swmpus ar ran y Cyngor, yn cau dros gyfnod y Nadolig, ni fydd unrhyw gasgliadau eitemau swmpus rhwng dydd Gwener 20 Rhagfyr 2024 a dydd Llun 6 Ionawr 2025. Bydd trigolion yn dal i allu neilltuo slot casglu yn ystod yr amser hwn a bydd casgliadau yn ailddechrau o 6 Ionawr 2025.
Yn ystod y cyfnod hwn, gall trigolion neilltuo lle i ymweld â’n parciau gwastraff ac ailgylchu.
Rhowch pan fo'n bosibl
Os yw eich eitemau o ansawdd digon da mae’n bosibl yr hoffech ystyried eu rhoi yn hytrach i deulu, ffrindiau, cymdogion neu elusen/grwp cymunedol.
Sefydliad Prydeinig Y Galon
Gallwch adael eitemau yn siopau Sefydliad Prydeinig Y Galon a’r banciau cyfrannu neu drefnu casgliad am ddim o’ch cartref.
Y Gallwch ffonio 0300 330 3322 neu ymweld â gwefan Sefydliad Prydeinig Y Galon i drefnu casgliad a chael mwy o wybodaeth.
Siopau Elusen
Mae llawer o siopau elusen yn derbyn rhoddion o ddodrefn cartref neu nwyddau trydanol y gallant eu hail-werthu. Gallwch ddod o hyd i siop elusen yn eich ardal chi sy'n ail-werthu amrywiaeth o nwyddau ar wefan y Gymdeithas Siopau Elusen.
Ewch i wefan Cymdeithas Manwerthu Elusennol (gwefan allanol) i ddarganfod siop elusen.
Freecycle
Grwp nad yw’n gwneud elw sydd wedi ei seilio ar y we yw Freecycle ac mae'n galluogi trigolion i hysbysebu eu heitemau yn rhad ac am ddim. Mae grwpiau Freecycle yn paru pobl sydd â phethau maent am gael gwared arnynt gyda phobl all eu defnyddio.
Ewch i Freecycle.org (gwefan allanol) i gofrestru a hysbysebu eitemau.
Sut mae gofyn am gasgliad swmpus?
Gwneud cais a thalu am gasgliad gwastraff swmpus
Gallwch gysylltu un ai â’ch Siop Un Alwad agosaf, neu’r ganolfan gwasanaethau cwsmeriaid ar 01824 706000. Bydd angen i chi roi manylion a gwneud taliad am yr eitemau sydd i’w casglu.
Faint mae o'n ei gostio?
Gallwch ofyn am gasglu hyd at 6 eitem gyda thâl gweinyddol o £8 (ni ellir ad-dalu'r tâl gweinyddol).
Costau casglu eitemau swmpus gan gynnwys tâl gweinyddol
| Nifer yr eitemau swmpus | Cyfanswm y gost gan gynnwys tâl gweinyddol |
|---|
| Hyd at 3 eitemau |
£31.00 |
| 4 eitemau |
£37.00 |
| 5 eitemau |
£42.00 |
| 6 eitemau |
£48.00 |
Os byddwch chi’n trefnu i gael casglu gwely, cofiwch fod y fatres a’r gwaelod yn cael eu cyfri’n ddwy eitem. Mae’n rhaid nodi pob eitem wrth wneud cais a bydd unrhyw beth sydd wedi ei adael y tu allan ac sydd heb ei grybwyll ar daflen waith y criwiau’n cael ei adael.
Sut ydw i’n newid neu’n canslo fy nhrefniant casglu?
Os bydd angen i chi newid y casgliad rydych chi wedi’i drefnu, ffoniwch ein canolfan gwasanaeth i gwsmeriaid ar 01824 706000. Gwnewch yn siŵr bod y cyfeirnod a gawsoch chi yn eich neges e-bost cadarnhau gennych chi i’w roi i ni.
Ble i adael eich eitemau, a phryd
Rhaid i chi adael pob eitem o flaen yr eiddo mewn lle sy’n hawdd mynd ato erbyn 7am ar eich dewis o ddiwrnod casglu. Ni fydd ein tim sbwriel yn dod i mewn i’ch eiddo i gasglu eitem(au).
Ymhen faint y bydd yr eitemau’n cael eu casglu?
Bydd casgliadau’n cael eu gwneud ar y diwrnod rydych chi’n ei ddewis ar y ffurflen archebu.
Beth fydd yn digwydd i'r eitemau swmpus y byddwch yn eu casglu?
Fe eir â’r eitemau a gesglir i Ddepo Ailgylchu CAD ar Stad Ddiwydiannol Colomendy ac fe gân nhw eu hailgylchu os byddan nhw’n addas.