Mae’r Senedd yn cynrychioli pobl Cymru. Cynrychiolir Sir Ddinbych gan 3 etholaeth Senedd:
- Clwyd (yn cynwys y mwyafrif o Sir Ddinbych)
- Bangor Conwy Môn
- Gwynedd Maldwyn
Mae Cyngor Sir y Fflint yn rheoli etholiad etholaeth Clwyd; Cyngor Bwrdeistref Sirol Conwy yn rheoli etholiad Bangor Conwy Môn, a Chyngor Gwynedd yn rheoli etholiad etholaeth Gwynedd Maldwyn.
Gallwch ddod o hyd i’ch etholaeth newydd drwy nodi eich cod post yn y map darganfod etholaeth (gwefan allanol).
Bydd etholiad nesaf y Senedd yn cael ei gynnal ddydd Iau 7 Mai 2026.
Yn yr etholiad nesaf, bydd newidiadau i nifer aelodau'r Senedd, yr etholaethau, a sut mae aelodau'r Senedd yn cael eu hethol:
- 96 o Aelodau: O'r etholiad ym mis Mai 2026, bydd gan y Senedd 96 o Aelodau yn hytrach na 60.
- System bleidleisio newydd: Bydd gan bawb sy’n 16+ un bleidlais nawr, gan ddewis plaid wleidyddol neu ymgeisydd annibynnol.
- Etholaethau newydd: Bydd gan Gymru 16 o etholaethau. Bydd pob etholaeth yn ethol chwe Aelod.
- Rheolau newydd: Rhaid i unrhyw un sy'n sefyll ar gyfer etholiad fyw yng Nghymru.
Gallwch ddysgu mwy ar wefan y Senedd (gwefan allanol). I ddarganfod ble mae eich gorsaf bleidleisio, ewch i: Dod o hyd i'ch gorsaf bleidleisio | Ble Ydw i'n Pleidleisio? (gwefan allanol).
Pwy all bleidleisio?
Gallwch bleidleisio yn etholiad y Senedd os ydych wedi cofrestru i bleidleisio yng Nghymru, os fyddwch yn 16 oed neu'n hŷn ddydd Iau 7 Mai 2026 ac os ydych chi:
- yn ddinesydd Prydeinig neu Iwerddon neu'n
- ddinesydd o'r Gymanwlad sydd â chaniatâd i aros yn y DU neu nad oes angen caniatâd o'r fath arno, neu
- ddinesydd gwlad yn yr Undeb Ewropeaidd neu
- ddinesydd tramor cymwys sydd â chaniatâd i ddod i mewn neu aros yn y DU neu nad oes angen caniatâd o'r fath arno
Ni all dinasyddion Prydain sy'n byw dramor bleidleisio yn yr etholiad hwn.
I gael rhagor o wybodaeth, ewch i wefan y Comisiwn Etholiadol: Ym mha etholiadau y gallwch chi bleidleisio (gwefan allanol).
Dyddiadau allweddol
Y dyddiad cau ar gyfer cofrestru i bleidleisio yw dydd Llun 20 Ebrill 2026.
Os ydych wedi symud adref yn ddiweddar ac nad ydych wedi cofrestru i bleidleisio yn eich cyfeiriad newydd, rhaid i chi wneud hynny erbyn dydd Llun, 20 Ebrill 2026.
Os hoffech bleidleisio drwy'r post neu drwy ddirprwy drwy'r post, y dyddiad cau ar gyfer gwneud cais yw 5pm, dydd Mawrth 21 Ebrill 2026.
Os hoffech bleidleisio drwy ddirprwy (nid dirprwy brys), y dyddiad cau ar gyfer gwneud cais yw 5pm, dydd Mawrth 28 Ebrill 2026.
Efallai y bydd pleidleisiau dirprwy brys ar gael o ar ôl 5pm, dydd Mawrth 28 Ebrill 2026 tan 5pm ar 7 Mai 2026 ond dim ond o dan amgylchiadau lliniarol penodol, gallwch ddod o hyd i fanylion ar wefan y Comisiwn Etholiadol (gwefan allanol) neu gysylltwch â ni drwy e-bost.
Dydd Iau 7 Mai 2026 yw'r diwrnod pleidleisio. Bydd Gorsafoedd Pleidleisio ar agor rhwng 7am a 10pm.
Enwebiadau
Mae enwebiadau i sefyll fel ymgeisydd yn cau am 4pm ar 9 Ebrill 2026.
Bydd Cyngor Sir y Fflint (gwefan allanol) yn derbyn a chyhoeddi enwebiadau ar gyfer Etholaeth Clwyd.
Bydd Cyngor Bwrdeistref Sirol Conwy (gwefan allanol) yn derbyn a chyhoeddi enwebiadau ar gyfer Etholaeth Bangor Conwy Môn.
Bydd Cyngor Gwynedd (gwefan allanol) yn derbyn a chyhoeddi enwebiadau ar gyfer Etholaeth Gwynedd Maldwyn.
Hysbysiadau Etholiad
Gallwch ddod o hyd i'r Hysbysiad Etholiad ar gyfer yr etholaethau canlynol:
Canlyniadau Etholiadau Senedd 2021
Cynhaliwyd etholiad y Senedd ddydd Iau 6 Mai 2021
Dyffryn Clwyd
Gweld canlyniadau Dyffryn Clwyd yn etholiad Senedd Cymru
Etholaeth Gorllewin Clwyd
Ewch i conwy.gov.uk i weld canlyniadau Gorllewin Clwyd yn etholiad Senedd Cymru
De Clwyd
Ewch i wrexham.gov.uk i weld canlyniadau De Clwyd yn etholiad Senedd Cymru ar gyfer
Rhanbarth etholiadol Gogledd Cymru
Ewch i siryfflint.gov.uk i weld canlyniadau Gorllewin Clwyd yn etholiad Senedd Cymru