Sut i herio dirwy barcio
Gallwch herio RhTC parcio yn anffurfiol o fewn 14 diwrnod o’i gyflwyno. Rhaid i chi roi eich her yn ysgrifenedig, un ai ar-lein neu mewn llythyr at:
Partneriaeth Prosesu Dirwyon Cymru
Blwch Post 273
Y Rhyl
LL18 9EJ
Pan ysgrifennwch atom, nodwch eich achos yn glir a syml. Os oes gennych unrhyw dystiolaeth, fel derbynebau neu ddatganiadau gan lygad dystion, anfonwch gopïau o’r rhain hefyd. Mae’n well i chi anfon copïau a chadwch y rhai gwreiddiol.
Byddwn yn ysgrifennu atoch o fewn 28 diwrnod o dderbyn eich her. Os derbyniwn eich her, bydd y RhTC yn cael ei ganslo ac ni fydd raid i chi dalu. Os gwrthodwn eich her, bydd yn rhaid i chi dalu’r RhTC o fewn 28 diwrnod o ddyddiad y llythyr oddi wrthym. Os talwch o fewn y 14 diwrnod cyntaf, fe fedrwch gael y disgownt o 50%.
Ni allwch wneud her anffurfiol os ydych eisoes wedi cael Rhybudd i Berchennog (RhiB).
Wedi cael Rhybudd i Berchennog (RhiB)?
Os na thalwch eich dirwy na herio’ch RhTC yn anffurfiol o fewn 28 diwrnod o’i gyhoeddi, byddwn yn anfon Rhybudd i Berchennog (RhIB) at berchennog cofrestredig y cerbyd.
Yn y cam hwn gallwch wneud her ffurfiol trwy ysgrifennu i'r cyfeiriad uchod, a dyfynnu un o’r rhesymau a restrwyd am sail gwneud her. Darllenwch y rhesymau a dderbynnir am her ffurfiol.
Rhesymau a dderbynnir dros herio dirwy barcio (RhTC) yn ffurfiol:
- Ni ddigwyddodd y drosedd honedig
- Roedd ffi’r ddirwy yn fwy na’r swm perthnasol (sydd ar hyn o bryd yn £50 neu £70 yn amodol ar lefel y drosedd)
- Nid oedd y gorchymyn traffig yn ddilys
- Nid fi oedd perchennog/ ceidwad y cerbyd pan ddigwyddodd y drosedd
- Cafodd y cerbyd ei ddwyn neu aethpwyd ag o heb fy nghaniatâd
- Rydym yn gwmni llogi, a gallwn ddarparu enw'r person a oedd wedi llogi'r cerbyd pan ddigwyddodd y drosedd
- Bu amhriodoldeb trefniadol gan yr awdurdod gorfodi
- Rwyf eisoes wedi talu’r ddirwy, un ai yn llawn neu am y swm disgownt priodol.
Bydd eich her yn cael ei hymchwilio a byddwn yn ysgrifennu atoch o fewn 10 diwrnod gwaith.
Eisiau apelio?
Os gwrthodwn eich apêl ffurfiol a’ch bod dal am gwestiynu’r RhTC, gallwch apelio i’r Tribiwnlys Dirwy Traffig annibynnol. Byddwn yn rhoi manylion ar sut i wneud hyn yn y llythyr gwrthod yr anfonwn atoch.
Cysylltwch â ni ar-lein.