Rhybudd o ddigwyddiad dros dro

Mae’n rhaid i chi ymgeisio am rybudd o ddigwyddiad dros dro (TEN) os oes arnoch chi eisiau cynnal digwyddiad arbennig, fel cyngerdd neu barti stryd, lle byddwch chi’n: 

• gwerthu alcohol 
• gweini alcohol i aelodau o glwb preifat 
• gweini bwyd poeth neu ddiod rhwng 11pm a 5am 
• darparu adloniant, fel dawnsio neu gerddoriaeth byw neu gerddoriaeth wedi ei recordio (efallai na fydd angen trwydded arnoch chi ar gyfer rhai perfformiadau cerddoriaeth byw). Fe gewch fwy o wybodaeth am trwyddedau i chwarae cerddoriaeth fyw neu gerddoriaeth wedi'i recordio (gwefan allanol).

Mae'n rhaid i chi hefyd wirio:

• os oes angen arnoch ganiatâd arall, megis caniatâd gan berchennog y tir i ddefnyddio’r safle.
• os oes cyfyngiadau eraill, megis cyfyngiadau ar ganiatâd cynllunio neu gyfyngiadau ar eich prydles.
• ni fydd y Rhybudd Digwyddiad Dros Dro yn diystyru’r caniatâd yma ac mae’n rhaid i chi sicrhau eich bod yn cydymffurfio gyda phob cyfyngiad.

Sut ydw i'n gwneud cais?

I wneud cais am Rybudd Digwyddiad Dros Dro:

• Rhaid i chi fod yn 18 oed o leiaf
• Mae’n rhaid i chi wneud cais am Rybudd Digwyddiad Dros Dro safonol dim hwyrach na 10 diwrnod gwaith clir cyn y digwyddiad. 
• Mae hi’n bosibl gwneud cais am Rybudd Digwyddiad Dros Dro ddim hwyrach na 5 diwrnod gwaith clir cyn y digwyddiad, ond ni fydd modd i chi apelio yn erbyn y penderfyniad os caiff eich cais hwyr ei wrthod.

Byddwch angen cyfrif ar-lein PP Cymru i wneud cais am Rybudd Digwyddiad Dros Dro.

Faint mae'n costio?

Mae’n costio £21 i wneud cais am Rybudd Digwyddiad Dros Dro safonol a hwyr.

Pan fyddwch chi’n ymgeisio ar-lein byddwch yn talu ar-lein yn defnyddio’ch cerdyn debyd neu gredyd.

Gwybodaeth ddefnyddiol

• Cadwch eich Rhybudd Digwyddiad Dros Dro mewn man diogel yn y digwyddiad.
• Mae'n rhaid i chi arddangos copi o’r Rhybudd Digwyddiad Dros Dro mewn man amlwg yn yr eiddo.

Os ydych chi’n gwneud cais ar-lein fe fyddwn i’n anfon copi o’ch Rhybudd ymlaen at yr Awdurdodau Cyfrifol ar eich rhan.

Os ydych chi’n gwneud cais drwy’r post, mae’n rhaid i chi anfon copi o’r Rhybudd i Awdurdod Trwyddedu Cyngor Sir Ddinbych, Iechyd Amgylcheddol Cyngor Sir Ddinbych a Heddlu Gogledd Cymru.

Deddfwriaeth

Deddf Trwyddedu 2003 (gwefan allanol).