Sut i ymgeisio am ganiatâd i fasnachu ar y stryd

I wneud cais am ganiatâd i fasnachu ar y stryd, mae’n rhaid i fasnachwyr:

• fod yn 17 oed neu hŷn
• sicrhau bod eu gweithgarwch yn cydymffurfio gyda phob deddfwriaeth arall, megis:
  • diogelwch bwyd
  • iechyd a diogelwch
  • cynllunio
  • priffyrdd
• cael caniatâd gan berchennog y tir

Sut i wneud cais

I wneud cais am ganiatâd i fasnachu ar y stryd, bydd angen i chi gwblhau ffurflen gais a darparu:

• llun pasbort
• un math o brawf adnabod
• amserlen weithredu (yn cynnwys map/cynllun safle a’r nwyddau ar werth)
• asesiad risg
• llun o’ch stondin / cerbyd
• caniatâd ysgrifenedig gan berchennog y tir
• tystiolaeth o yswiriant atebolrwydd cyhoeddus

Ffurflen Gais

Ffurflen gais am ganiatâd i fasnachu ar y stryd (MS Word, 1.6MB).

Ffioedd

Os cymeradwyir cais, bydd angen talu ffi yn seiliedig ar gyfnod y caniatâd. Mae’r tabl isod yn dangos y ffioedd ar gyfer bob cyfnod:

Ar ôl gwneud cais

Unwaith y byddwn yn derbyn cais llawn:

1. byddwn yn cynnal asesiad o’r safle i wirio a yw’r safle’n addas
2. bydd cyfnod ymgynghori o 28 diwrnod gyda:
   • Heddlu Gogledd Cymru
   • Diogelwch Bwyd
   • Iechyd a Diogelwch
   • Cynllunio
   • Iechyd yr Amgylchedd 
   • Tân ac Achub
   • Safonau Masnach
   • Aelodau Ward Lleol
3. bydd adroddiad yn cael ei baratoi a’i anfon at y Pennaeth Gwasanaeth a Chadeirydd Trwyddedu
4. bydd yr ymgeisydd yn cael ei hysbysu ynghylch y penderfyniad
5. os cymeradwyir y cais, byddwn yn cysylltu â chi am dâl

Dirwyon a chosbau

Gellir cymryd camau gorfodi os bydd rhywun yn:

• masnachu heb ganiatâd i fasnachu ar y stryd neu’r drwydded ofynnol
• masnachu ar stryd ble mae masnachu wedi’i wahardd
• peidio â chadw at amodau eu caniatâd masnachu ar y stryd

Gall camau gorfodi gynnwys:

• atal neu dynnu’r caniatâd i fasnachu ar y stryd neu’r drwydded ofynnol yn ôl
• dirwyon hyd at £1,000