Sut i gael cymorth gan Wasanaeth Teuluoedd Integredig Lleol
Er mwyn cael cymorth gan Wasanaeth Teuluoedd Integredig Lleol, mae’n rhaid i weithiwr proffesiynol sy’n gweithio gyda’r teulu gysylltu â ni i drefnu cyfarfod cyfathrebu ar y cyd.
Beth yw cyfathrebu ar y cyd?
Cyfathrebu ar y cyd yw trafodaeth gyda’r teulu rydych chi’n gweithio â nhw ac aelod o dîm Gwasanaeth Teuluoedd Integredig Lleol.
Rydym yn edrych ar gryfderau, pryderon, nodau a beth a roddwyd cynnig arno eisoes a syniadau i gael cefnogaeth. Ein rôl yw gwrando, deall a helpu.
Yn ystod y cyfarfod cyfathrebu ar y cyd, rydym yn dechrau cynllunio sut all y Gwasanaeth Teuluoedd Integredig Lleol eich cefnogi chi a’r teulu orau.
Sut i wneud cais am gyfarfod cyfathrebu ar y cyd
Gall gweithwyr proffesiynol sy’n cefnogi teuluoedd gysylltu â ni i wneud cais am gyfarfod cyfathrebu ar y cyd.
Yna gofynnir i chi lenwi’r ffurflen Cyfathrebu ar y Cyd, yna cyfarfod â thîm Gwasanaeth Teuluoedd Integredig Lleol.
Mae’n rhaid i ni gael caniatâd gan y rhiant neu’r unigolyn sydd â chyfrifoldeb rhiant er mwyn i Wasanaeth Teuluoedd Integredig Lleol allu helpu. Ni allwn gynnal cyfarfod Cyfathrebu ar y Cyd heb eu caniatâd.
Pwy all gael cymorth gan Wasanaeth Teuluoedd Integredig Lleol?
Gallwn ond gefnogi gweithwyr proffesiynol sy’n cefnogi teulu os ydi plentyn neu berson ifanc:
- dan 18 mlwydd oed
- yn byw yng Nghonwy neu Sir Ddinbych
- yn dangos ymddygiad anodd gartref, fel:
- ymddygiad corfforol ymosodol
- ymddygiad llafar ymosodol
- dinistrio eiddo
- ymddygiad hunan-niweidio
- ymddygiad sy’n tarfu ar eraill
- yn achosi straen difrifol i berthnasoedd y teulu a bywyd dyddiol yn y cartref oherwydd eu hymddygiad
Pryd ddylai rhywun arall roi cymorth
Ni allwn helpu os:
- ydi’r teulu mewn cyswllt â thimau arbenigol eraill, e.e. Gwasanaethau Iechyd Meddwl Plant a Phobl Ifanc, Gwasanaethau Niwroddatblygiadol, timau Therapiwtig Conwy neu Sir Ddinbych a CALDS ac ati.
- nid yw’r ymddygiad yn gysylltiedig ag anabledd dysgu
- does dim tystiolaeth o oedi mewn datblygiad sylweddol mewn 2 faes neu fwy
- ni ellir esbonio’r prif anawsterau ar anghenion iechyd meddwl
- mae’r ymddygiadau heriol yn digwydd mewn lleoliadau addysg neu gymunedol
LIFT is a multi-agency collaborative team, funded by North Wales Social Care and Well-being Services Improvement Collaborative.