Maes carafanau preswyl diawdurdod rhwng Llangollen a Threfor: Cwestiynau Cyffredin

Mae’r safle wedi’i brynu gan deulu sydd bellach yn byw ar y safle. Hyd y gŵyr y Cyngor, nid yw’r teulu o’r gymuned Sipsiwn/Teithwyr.

Mae’r Rhybudd Gorfodi yn ei gwneud yn ofynnol i feddianwyr y safle adael o fewn 7 mis. Bydd y cyfnod yn dechrau pan fydd Penderfyniadau Cynllunio ac Amgylchedd Cymru yn cyhoeddi penderfyniad yr apêl, os bydd y Rhybudd yn cael ei gadarnhau yn llawn.

Gallai costau’r broses hon amrywio’n sylweddol, a bydd yn dibynnu ar ganlyniad yr apêl.

Bydd y Rhybudd Gorfodi mae’r Cyngor wedi’i gyhoeddi yn aros ar waith am gyfnod amhenodol, hyd yn oed os cydymffurfir ag ef. Mae hyn yn golygu na ddylai fod angen i ni gyhoeddi rhybudd newydd os caiff y safle ei ailfeddiannu, cyn belled â bod y gweithgaredd wedi’i gwmpasu gan y disgrifiad o’r torri rheolau ar y rhybudd presennol. Ni fyddai hyn yn berthnasol i feddiannu tir cyfagos na thir arall yn y cyffiniau.

Gall y Cyngor gymryd camau cyfreithiol pellach os na chydymffurfir â Rhybudd Gorfodi yn ystod yr amserlen ofynnol. Mae’r cyfnod cydymffurfio hwn yn 7 mis o’r dyddiad y mae’r arolygydd yn cyhoeddi penderfyniad yr apêl - os yw’r Rhybudd yn cael ei gadarnhau. Mae siawns y bydd yr arolygydd yn newid y cyfnod ar gyfer cydymffurfio os yw’n ystyried bod y cyfnod presennol yn afresymol.

Bydd unrhyw gamau a gymerir gan y Cyngor yn cydymffurfio â deddfwriaeth bresennol, fel rheoliadau Hawliau Dynol.

Ydym. Mae'r Cyngor mewn cyswllt â'r preswylwyr, sy'n byw ar y safle yn barod.

Mae’r Cyngor yn gweithio gyda’r Aelod Seneddol, Aelod o’r Senedd a’r Aelod Lleol, sy’n cyfleu pryderon y gymuned leol.

Mae’r cynllun dirprwyo a fabwysiadwyd yn egluro’r broses gwneud penderfyniadau.

Mae’r Cyngor yn pryderu am effaith y safle ar lefelau ffosffad yn yr Afon Dyfrdwy, ac mae ei leoliad yn methu â lleihau’r angen i deithio mewn car ar gyfer siwrneiau lleol. Dyma ddau o’r rhesymau pam bod y Cyngor wedi cymryd camau gweithredu ac wedi cyhoeddi’r Rhybudd Gorfodi.

Mae’r dull mynediad o’r datblygiad diawdurdod i’r briffordd gyfagos eisoes yn bodoli. Ymgynghorwyd â’r Awdurdod Priffyrdd cyn rhoi’r Rhybudd Gorfodi, ac ni chodwyd unrhyw bryderon.

Dylid rhoi gwybod i Heddlu Gogledd Cymru am unrhyw ddigwyddiadau traffig unigol.

Ni fydd y Cyngor yn rhoi caniatâd cynllunio ar gyfer datblygu’r safle yn ei ffurf bresennol. Efallai bydd y datblygiad yn aros os yw’r apêl barhaus yn llwyddiannus.

Mae’r Cyngor wedi mabwysiadu siarter sy’n egluro sut caiff achosion honedig o dorri rheolaeth gynllunio eu trin.

Siarter Cydymffurfio â Rheolau Cynllunio