Safle Sipsiwn/Teithwyr diawdurdod rhwng Llandegla a Bwlchgwyn
Mae'r Cyngor wedi cyhoeddi Rhybudd Gorfodi mewn perthynas â'r safle uchod, ac rydym yn parhau i dderbyn nifer uchel o ymholiadau ynghylch yr achos. Mewn ymateb i hynny, rydym yn darparu diweddariadau ynghylch yr achos yn y fan yma.
Mae statws cyfredol yr achos fel a ganlyn:
Mae Rhybudd Gorfodi wedi’i gyhoeddi yn gofyn am adfer y safle i’w gyflwr awdurdodedig blaenorol. Daeth cyfnod cydymffurfio'r Rhybudd i ben ar 6ed Mai 2021, ond nid yw’r derbynwyr wedi cydymffurfio â gofynion y Rhybudd. Mae’r Cyngor wrthi’n ystyried pa gamau pellach y gallwn eu cymryd i orfodi cydymffurfiaeth. Rydym bellach wedi cael cyngor cyfreithiol annibynnol i sicrhau fod ein camau nesaf yn cydymffurfio â’r gyfraith.
Diweddarwyd y statws yma ar 18fed Mehefin 2021 a chaiff ei adolygu'n rheolaidd. Darperir diweddariad statws pellach maes o law.
Safle Sipsiwn/Teithwyr diawdurdod rhwng Llandegla a Bwlchgwyn: Cwestiynau Cyffredin
Ceir rhagor o wybodaeth ynghylch sut mae’r Cyngor yn ymateb i achosion posibl o dorri rheolau cynllunio yn ein siarter cydymffurfiaeth cynllunio.