Gall hyfforddiant fod ar sawl ffurf, o hyfforddiant ffurfiol yn y dosbarth, hyfforddiant ar-lein, seminarau a chynadleddau i gyfleoedd cysgodi gwaith a secondiad.
Cyfrif Dysgu Personol
Mae Cyfrifon Dysgu Personol yn darparu hawl dysgu hyblyg sy’n cael ei ariannu’n llawn i gefnogi unigolion cyflogedig sy’n ennill llai na’r incwm canolrifol, sef £30,596, yn ogystal a’r rheiny y mae eu swyddi mewn perygl. Mae’r cyrsiau ar gael ledled Cymru drwy 13 o golegau yng Nghymru ac maen nhw wedi’u cynllunio’n benodol i fynd i’r afael a hyfforddiant galwedigaethol mewn sectorau lle mae prinder sgiliau er mwyn sicrhau bod anghenion yr economi yn y dyfodol yn cael eu diwallu. Gallwch wneud cais am yr arian hwn yn uniongyrchol gyda'r coleg. Os oes angen unrhyw gyngor pellach arnoch, anfonwch e-bost at hrdirect@denbighshire.gov.uk neu laura.temple@sirddinbych.gov.uk.
Pwy sy’n gymwys?
Bydd trigolion Cymru sy’n 19 oed neu’n hŷn ac sy’n dymuno ennill sgiliau a chymwysterau mewn sectorau blaenoriaeth yn gymwys ar gyfer y cyrsiau ar yr amod eu bod yn bodloni o leiaf un o’r meini prawf canlynol:
- maen nhw’n gyflogedig (gan gynnwys hunangyflogedig) ac yn ennill llai na £30,596 y flwyddyn
- maen nhw’n gweithio ar gontractau dim oriau neu maen nhw’n staff asiantaeth
- maen nhw mewn perygl o gael eu gwneud yn ddi-waith
- yn droseddwr sy’n cael ei ryddhau yn ystod y dydd ar hyn o bryd
Gweler isod gwybodaeth defnyddiol ar wahanol gymwysterau a chyrsiau sydd ar gael i'n gweithwyr fanteisio arnynt.
Cyrsiau Hyfforddi 2023 / 2024
Rydym wedi gweithio mewn partneriaeth â'r holl brif undebau llafur (GMB, UNITE ac UNSAIN) yn ystod y 12 mis diwethaf i gael cyllid drwy Gronfa Ddysgu Undebau Cymru (WULF), sy'n canolbwyntio ar wella dysgu a sgiliau gweithwyr. Drwy weithio gydag undebau llafur i ddatblygu dysgu a sgiliau, byddwn yn gallu annog cyfranogiad ehangach mewn hyfforddiant, cefnogi hyfforddiant pwrpasol yn y gweithle a pharhau i ddatblygu ein gweithwyr.
Cymerwch olwg ar ein rhaglen amrywiol ar gyfer y flwyddyn i ddod, ond sylwch hefyd y gallwn ychwanegu unrhyw bynciau ychwanegol drwy gydol y flwyddyn. Mae cyrsiau wedi'u trefnu hefyd gan ddarparwyr eraill ar wahân i WULF.
Nid oes rhaid i chi fod yn aelod o undeb benodol i fanteisio ar yr hyfforddiant hwn. Caiff yr holl gyrsiau eu darparu yn rhithiol drwy un ai Microsoft Teams neu Zoom, ac os hoffech archebu lle chwiliwch am y cwrs yn yr adran Ddysgu ar Hunan Wasanaeth iTrent neu cysylltwch â hrdirect@denbighshire.gov.uk.
Rhagfyr 2023
Rhagfyr 2023
Eich lles ariannol
26 Hydref: 1pm i 2:30pm
Mae’r cwrs wedi’i lunio i helpu gweithwyr adnabod yn glir y 4 cam tuag at ddod yn dda yn ariannol, a all gefnogi gweithwyr drwy fywyd gwaith a thu hwnt. Darparu gwybodaeth i helpu cefnogi gweithwyr i wneud penderfyniadau ariannol deallus.
Yn ystod y cwrs byddwch yn dysgu:
- trethu personol, lwfansau a budd-daliadau (eich cyflog ar ôl didyniadau)
- deall eich arian
- adolygu eich benthyciad
- cynilion a buddsoddiadau
- gwerth eich pensiynau
Archebu lle ar y cwrs eich lles ariannol (gwefan allanol)
Ionawr 2024
Ionawr 2024
Cynllunio ar gyfer ymddeoliad cadarnhaol (sesiynau Cynllun Pensiwn Llywodraeth Leol)
9 Ionawr: 1pm i 3:30pm (Cynllun Pensiwn Athrawon)
Efallai y bydd ymddeoliad hyd at 10 mlynedd i ffwrdd ond nid yw byth yn rhy fuan i ddechrau cynllunio. Mae'r cwrs hwn yn berffaith i unrhyw un sy'n ystyried ymddeol neu sydd eisoes ar y camau cynllunio.
Yn ystod y cwrs byddwch yn dysgu sut i:
- eich helpu i gynllunio ar gyfer y newidiadau i'r ffordd o fyw sydd o'ch blaen
- manteisio i'r eithaf ar eich pensiynau Gwladol a'ch gweithle
- gwnewch y gorau o'ch arian parod di-dreth
- deall yr opsiynau incwm sydd ar gael o'ch pensiwn
- cyflawni eich nodau ymddeol
Archebu lle ar y cwrs ymddeol (gwefan allanol)
Rhagfarn ddiarwybod
11 Ionawr: 9:30am i 1pm
Mae’r sesiwn hanner diwrnod byw hwn arlein yn galluogi dysgwyr i ddeall beth yw Rhagfarn Ddiarwybod a pham ei fod yn digwydd. Bydd hefyd yn cynnwys yr effaith y mae hynny’n ei gael ar y gweithle.
Erbyn diwedd y sesiwn bydd y cyfranogwyr yn:
- deall y diffiniad rhagfarn ddiarwybod
- deall pam fod rhagfarn ddiarwybod yn digwydd a’r mathau cyffredin o ragfarn ddiarwybod
- deall yr amrywiaeth o sefyllfaoedd ac arferion yn y gweithle sy’n cael eu heffeithio gan ragfarn ddiarwybod
- gallu egluro rhagfarn ddiarwybod i gydweithwyr a chwsmeriaid ac adlewyrchu ar ragfarn ddiarwybod eu hunain
- deall sut y mae rhagfarn ddiarwybod yn effeithio eu hymarfer proffesiynol, gan gynnwys gwahaniaethu
- deall yr effaith o ragfarn ddiarwybod ar gydweithwyr; cyfranogwyr; cynulleidfaoedd; cynllunio gweithredol; a budd-ddeiliaid allanol
- cynyddu ymwybyddiaeth o sut i leihau a rheoli rhagfarn ddiarwybod yn effeithiol
- adnabod strategaethau ac arferion i leihau a rheoli rhagfarn ddiarwybod
Mi fetia' i y gallwch chi helpu nawr
16 Ionawr: 10am i 11am
Gweithdy ar-lein cryno un awr a fydd yn cynnwys yr elfennau allweddol o gymorth cyntaf ymarferol i niwed sy’n gysylltiedig â gamblo.
Mae’r cwrs hwn yn addas ar gyfer unrhyw weithiwr sy’n ymdrin â’r cyhoedd.
Nodau ac amcanion:
- bydd dysgwyr yn datblygu eu gwybodaeth, a’u dealltwriaeth o niweidiau sy’n gysylltiedig â gamblo
- bydd dysgwyr yn magu hyder wrth sgrinio a gweithredu ymyraethau effeithiol â’r rheiny sydd mewn perygl o niweidiau sy’n gysylltiedig â gamblo
- bydd dysgwyr yn ymwybodol o ac yn deall y lefelau priodol o gefnogaeth sydd ar gael i helpu a chefnogi’r rheiny a effeithir gan newidiadau sy’n gysylltiedig â gamblo
Iechyd gwell i mi
18 Ionawr: 9:30am i 10:30am
Sesiwn ar-lein un awr gyda gwybodaeth ar sut i wella eich iechyd a’ch lles. Mae’r cwrs hwn yn addas ar gyfer bob gweithiwr.
Nodau ac amcanion:
- dysgu am y triongl iechyd
- pwysigrwydd iechyd corfforol ac ymarfer corff.
- dysgu am iechyd cymdeithasol a sut i wella eich lles cymdeithasol
- pwysigrwydd diet iach a sefydlu arferion iach
Fforwm Prosiect: Grŵp Craffu Cyfalaf
Dydd Mercher 24 Ionawr: 3pm i 4pm
Os ydych chi’n Rheolwr Prosiect; yn ymgymryd â phrosiectau yn rhan o’ch swydd, neu’n rhan o dîm prosiect, ymunwch â’n Fforwm Prosiect nesaf a fydd yn canolbwyntio ar ‘Grŵp Craffu Cyfalaf Proses ac yr cysylltedd i Verto.
Yn ymuno gyda ni, bydd cynrychiolwyr Cyllid ac Archwilio ynghyd â’r Tîm Newid yn yr Hinsawdd i adolygu Achos Busnes y Grŵp Craffu Cyfalaf a’r hyn sydd ei angen. Os ydych yn ystyried gwneud unrhyw Wariant Cyfalaf, yna bydd angen i chi gael cymeradwyaeth drwy’r Grŵp Craffu Cyfalaf ymlaen llawn.
Cynhelir y fforwm ar Microsoft Teams I gofrestru neu i gael mwy o wybodaeth anfonwch e-bost at: Joanna.Douglass@sirddinbych.gov.uk.
Cwrs rheoli am y tro cyntaf
- 29 Ionawr: 9:30am i 12pm (hanner dydd)
- 5 Chwefror 2024: 9:30am i 12pm (hanner dydd)
- 12 Chwefror 2024: 9:30am i 12pm (hanner dydd)
I gyflogeion sy’n newydd i faes rheoli pobl neu sy’n goruchwylio pobl ond nad ydynt wedi cael unrhyw hyfforddiant ffurfiol. Cwrs o 3 sesiwn a fydd yn rhoi awgrymiadau a thechnegau i gefnogi rheolwyr/goruchwylwyr i weithio’n effeithiol gyda’u timau yn y dyfodol.
Rhaid i chi allu mynychu pob un o'r 3 modiwl a sicrhau eich bod yn archebu pob un o'r 3 dyddiad yn iTrent.
Chwefror 2024
Chwefror 2024
Cwrs rheoli am y tro cyntaf
- 29 Ionawr: 9:30am i 12pm (hanner dydd)
- 5 Chwefror 2024: 9:30am i 12pm (hanner dydd)
- 12 Chwefror 2024: 9:30am i 12pm (hanner dydd)
I gyflogeion sy’n newydd i faes rheoli pobl neu sy’n goruchwylio pobl ond nad ydynt wedi cael unrhyw hyfforddiant ffurfiol. Cwrs o 3 sesiwn a fydd yn rhoi awgrymiadau a thechnegau i gefnogi rheolwyr/goruchwylwyr i weithio’n effeithiol gyda’u timau yn y dyfodol.
Rhaid i chi allu mynychu pob un o'r 3 modiwl a sicrhau eich bod yn archebu pob un o'r 3 dyddiad yn iTrent.
Ymwybyddiaeth o’r menopos
6 Chwefror: 10:30am i 12pm (hanner dydd)
Fe fydd y sesiwn ymwybyddiaeth hwn yn egluro’r menopos a’r symptomau cysylltiedig, yn rhoi cyngor ar gymryd rheolaeth o’r menopos a sut i reoli’r proffesiwn meddygol. Cyfleoedd am addysg i bawb – nid dim ond pwnc i ferched yw hwn.
Menywod a niwed sy'n cysylltiedig â gamblo
21 Chwefror: 2pm i 4pm
Mae llai nag 1% o fenywod yr effeithir arnynt gan niwed sy'n gysylltiedig â gamblo yn estyn allan am gymorth. Mae menywod yn dweud wrthym fod hyn oherwydd stigma, cywilydd ac ofn cynnwys gwasanaethau statudol. Cynyddwch eich gwybodaeth, eich sgiliau a'ch hyder i drafod a chefnogi unigolion sy'n profi niwed sy'n gysylltiedig â gamblo. Sicrhau bod menywod yn cael y cymorth cywir ar yr adeg iawn. Gwybodaeth, cyngor a chymorth parhaus ar sut i adnabod niwed gamblo, y gwasanaethau sydd ar gael, a sut i wneud atgyfeiriad.
Ebrill 2024
Ebrill 2024
Iechyd gwell i mi
11 Ebrill: 9:30am i 10:30am
Sesiwn ar-lein un awr gyda gwybodaeth ar sut i wella eich iechyd a’ch lles. Mae’r cwrs hwn yn addas ar gyfer bob gweithiwr.
Nodau ac amcanion:
- dysgu am y triongl iechyd
- pwysigrwydd iechyd corfforol ac ymarfer corff.
- dysgu am iechyd cymdeithasol a sut i wella eich lles cymdeithasol
- pwysigrwydd diet iach a sefydlu arferion iach
E-ddysgu
Mae gennym amryw o gyrsiau sy'n cael eu cyflwyno trwy E-ddysgu a gellir dod o hyd i'r rhain ar y dudalen E-ddysgu, gall y rhain fod yn benodol i Sir Ddinbych ond mae amryw o gyrsiau eraill ar gael hefyd gan Academi Cymru Gyfan.
Academi Wales
Fel gweithiwr llywodraeth lleol byddwch yn dod yn aelod o Academi Wales (gwefan allanol), sy'n darparu llawer iawn o hyfforddiant ac adnoddau y gallwch fanteisio arnynt. Mae'r rhain i gyd yn rhad ac am ddim ac mae rhai o'r cyrsiau yn ffyrdd gwych o ddatblygu eich sgiliau a'ch profiad a chyfle i rwydweithio.
Rydym yn gweithio'n agos gyda Cholegau a Phrifysgolion lleol i gyflwyno cymwysterau a chyrsiau hyfforddi cydnabyddedig i'n gweithwyr. Gall rhai gael eu hariannu drwy'r ardoll brentisiaeth, yr adran trwy ddulliau eraill.
Dros y misoedd diwethaf, rydym wedi gweld gweithwyr yn dechrau ac yn cwblhau’n llwyddiannus gymwysterau rheoli mewn Arweinyddiaeth a Rheoli ILM Lefel 2 a 3, ILM Hyfforddi a Mentora Lefel 3 a 5, Diploma Rheoli Prosiect Lefel 4 a Rheoli Adnoddau Dynol i enwi ond ychydig.
Os oes gennych ddiddordeb mewn unrhyw gyrsiau neu gymwysterau bydd angen i chi siarad â'ch rheolwr yn y lle cyntaf, a all wedyn siarad â'r tîm Datblygu Sefydliadol i drefnu trafodaeth gyda'r darparwr. Efallai y gwelwch amryw o sesiynau ymwybyddiaeth yn cael eu hysbysebu a'u cynnal trwy gydol y flwyddyn a allai fod o ddiddordeb i chi.
Mae yna hefyd ddewis o hyfforddiant a chymwysterau adrannol eraill y gall ein gweithwyr eu cyflawni ac rydym yn gweithio'n barhaus i ddatblygu'r cynnig i'n gweithwyr, mae'r rhain yn cynnwys hyfforddiant Iechyd a Diogelwch, Gofal Cymdeithasol, Cyngor ac Arweiniad, TGCh a Chyfryngau Cymdeithasol a Marchnata Digidol.
Gallwn hefyd gynnig hyfforddiant pwrpasol ar gyfer adrannau pan fo prosiect/angen penodol a gallwn deilwra'r hyfforddiant i ddiwallu anghenion gwasanaeth penodol. Cadwch lygad am gyfleoedd hyfforddiant amrywiol ac os hoffech gael rhagor o wybodaeth neu ddiddordeb mewn unrhyw gymwysterau a hyfforddiant cysylltwch â Laura Temple, Arbenigwr Datblygu Sefydiadol – Dysgu a Datblygu - laura.temple@sirddinbych.gov.uk.
Cyfleoedd dysgu undebau pwrpasol
Os ydych yn aelod o'r undeb efallai y byddwch yn dod o hyd i ragor o gymhwysterau a chyrsiau y gallech fynychu neu allu gwneud cais amdanynt. Gweler eu tudalennau dysgu pwrpasol islaw: