Dogfennau
Cwestiynau Cyffredin
Gwybodaeth Gyffredinol
Am beth mae'r cynnig hwn yn sôn?
Mae'r ymgynghoriad hwn yn amlinellu Tabl Cyflogau newydd i staff ar delerau ac amodau’r Llyfr Gwyrdd. Mae'n cynnwys Prif Swyddogion, Gweithwyr Ieuenctid, Gweithwyr Soulbury, Athrawon a staff Dechrau Gweithio.
Pam bod Tabl Cyflogau newydd yn cael ei gyflwyno?
Er mwyn cydymffurfio â’r gofyniad cenedlaethol i ddileu pwynt colofn 2 ar y raddfa gyflogau erbyn mis Ebrill 2026 a chreu strwythur cyflogau tecach, mwy gwydn.
Strwythur Cyflogau a Newidiadau
Beth yw prif nodweddion y Tabl Cyflogau newydd?
- Mae’n dechrau ar bwynt colofn 5 y raddfa gyflogau
- Graddfeydd 1–4: 2 godiad cyflog cynyddrannol
- Gradd 5 ac uwch: 3 codiad cyflog cynyddrannol
- Ni ddefnyddir rhai pwyntiau colofn er mwyn diogelu’r strwythur i’r dyfodol
- Dim gorgyffwrdd rhwng graddfeydd
A fydd cyflog unrhyw un yn gostwng?
Na. Bydd cyflog cyfredol pob gweithiwr yn aros yr un fath neu’n cynyddu.
Pwy sy’n elwa fwyaf o’r Tabl Cyflogau?
Staff ar Raddfeydd 1-4, yn cynnwys:
- Glanhawyr
- Cymorthyddion Addysgu (Lefel 1 a 2)
- Swyddogion Gweinyddol (Lefel 1 a 2)
- Gweithwyr Gwastraff ac Ailgylchu
- Cynorthwywyr Arlwyo
- Goruchwylwyr Canol Dydd
- ...a mwy.
Llinell Amser a Gweithredu
Pryd fydd y Tabl Cyflogau newydd yn dod i rym?
1 Ebrill 2026.
Beth sy’n digwydd ar y dyddiad hwnnw?
- Bydd staff cymwys yn cael eu codiad cyflog cynyddrannol
- Bydd yr holl staff yn cael eu cymhathu drosodd i’r Tabl Cyflogau newydd
Dyddiadau allweddol i’w nodi:
| Gweithgaredd | Dyddiad |
|---|
| Ymgynghoriad staff |
1-31 Hydref 2025 |
| Ymgysylltu â’r Cynghorwyr |
Hydref 2025 |
| Cymeradwyaeth y Cabinet |
Tachwedd 2025 |
| Cymeradwyaeth y Cyngor Llawn |
Rhagfyr 2025 |
| Rhoi gwybod i staff yn ffurfiol |
Ionawr 2026 |
| Gweithredu |
1 Ebrill 2026 |
AD a Chymhathu
A fydd codiadau cyflog cynyddrannol yn dal i gael eu dyfarnu?
Byddant. Bydd codiad cyflog cynyddrannol yn cael ei drefnu cyn cymhathu.
Sut fydd cymhathu’n gweithio?
Bydd staff yn cael eu mapio o’u pwynt presennol ar y golofn gyflog i’r pwynt newydd yn seiliedig ar raddfa a statws cynyddrannol. Gweler Atodiad 4 yn y ddogfen am fanylion llawn.
Adborth a Chefnogaeth
Sut galla i rannu adborth?
E-bost: PayandRewards@denbighshire.gov.uk
Gyda phwy y gallaf gysylltu ag ymholiadau’n ymwneud ag undebau?
Credyd Cynhwysol
Sylwer, os oes unrhyw gydweithwyr yn cael credyd cynhwysol ac yn bryderus am effaith y tâl ychwanegol hwn, cysylltwch â’r Adran Gwaith a Phensiynau’n uniongyrchol.