Diwrnod Tedis Nantclwyd y Dre

Ymunwch â ni am ddiwrnod llawn gweithgareddau a gemau gyda’ch tedi mwyaf anturus, ar safle hyfryd tŷ a gerddi hanesyddol Nantclwyd y Dre.

Gwnewch rwff Tuduraidd i’ch tedi, gyrrwch eich tedi i lawr y wifren wib, gwthiwch eich tedi ar y siglen a mwynhewch lwyth o gyfleoedd am lun mewn bath adar, potiau blodau, ac yn y gerddi hardd yn Nantclwyd y Dre.

Pwy all fynychu’r digwyddiad hwn? 

Nid oes cyfyngiadau oedran i fynychu’r digwyddiad hwn ond rydym yn disgwyl iddo fod yn arbennig o boblogaidd gyda theuluoedd â phlant ac ymwelwyr iau.

Sut i gymryd rhan

Nid oes angen cadw lle ar gyfer y digwyddiad, dim ond dod draw yn ystod y dydd a thalu’r ffi fynediad gyffredinol (plant dan 5 am ddim).

Mae croeso i chi ddod â phicnic rhag ofn y byddwch chi, neu eich tedi, eisiau bwyd.

Dod o hyd i ni

Sut i gyrraedd Nantclwyd y Dre a gwybodaeth am barcio.

Cyfleusterau ar gyfer pobl anabl

Bydd gweithgareddau’r Diwrnod Tedis yn cael eu cynnal yn y gerddi sy’n hygyrch i’r rhan fwyaf o ddefnyddwyr cadeiriau olwyn (mae modd cael mynediad trwy’r lôn ochr er mwyn osgoi’r grisiau ger y fynedfa flaen). Mae llawr gwaelod y tŷ yn hygyrch hefyd.

Sylwch fod angen defnyddio grisiau i gael mynediad at lawr uchaf y tŷ. Cysylltwch â’r tîm cyn ymweld â ni os oes gennych unrhyw ofynion hygyrchedd penodol.

Mwy o wybodaeth am hygyrchedd yn Nantclwyd y Dre.

Cyfryngau cymdeithasol

• Nantclwyd y Dre (Facebook) (gwefan allanol)
• Nantclwyd y Dre (Instagram) (gwefan allanol)
• Nantclwyd y Dre (X) (gwefan allanol)