Gwasanaeth Teuluoedd Integredig Lleol: Gweithdy Cefnogi i Leihau Ymddygiad sy’n Herio
Mae’r Gweithdy Cefnogi i Leihau Ymddygiad sy’n Herio’n helpu rhieni a gofalwyr i ddysgu a defnyddio strategaethau sy’n helpu i atal ymddygiad heriol cyn iddo ddigwydd.

Beth i’w ddisgwyl:
- bydd aelodau o’n tîm yn eich croesawu wrth ichi gyrraedd a byddant yn hapus i helpu os nad ydych chi’n siŵr ble i fynd
- mae lle tawel ar gael os bydd arnoch angen seibiant draw o’r grŵp
- awyrgylch braf, groesawgar a dim beirniadu
- dysgu strategaethau ymarferol y gallwch eu defnyddio gartref
- cyfleoedd i ofyn cwestiynau gydol y sesiwn
- cyfle i gwrdd â rhieni a gofalwyr eraill
- darperir te, coffi a lluniaeth ond dewch â’ch cinio eich hun
Dyma sylwadau gan rai o’r rhieni a gymerodd ran mewn gweithdai blaenorol:
-
"Erbyn y diwedd roeddwn i’n teimlo’n llai unig a bod pobl yn fy neall i.”
-
"Roedd y strategaethau’n ymarferol, realistig a hawdd eu defnyddio gartref.”
-
"Roedd yr hwyluswyr yn glên, yn hawdd siarad â nhw ac fe wnaethon helpu pawb i ymlacio.”
-
"Dwi’n difaru peidio â chymryd rhan yn gynt – roedd yn help mawr imi ddeall fy mhlentyn yn well.”
Ar gyfer pwy mae’r gweithdy?
Mae’r gweithdy ar gyfer pawb sy’n byw yng Nghonwy neu Sir Ddinbych sy’n gofalu am blant rhwng 0 a 18 oed, a’r nod yw cefnogi rhieni a gofalwyr sy’n wynebu amryw fathau o ymddygiad heriol.
Pryd a lle cynhelir y gweithdai?
Mae’r Gwasanaeth yn cynnal y gweithdy bob hanner tymor gydol y flwyddyn mewn amryw fannau ledled Sir Ddinbych a Chonwy.
Dewiswch ardal i gael gwybod pryd a ble cynhelir y gweithdy:
Neuadd Tref Llangollen (Sir Ddinbych)
Gwybodaeth am y gweithdy
Cynhelir y gweithdy:
- Lle: Neuadd Tref Llangollen
- Dyddiad: Dydd Mawrth 19 Ionawr 2027
- Amser: 9:30am tan 2:30pm
Gwybodaeth am y lleoliad
Bydd aelod o’r tîm yn cwrdd â chi wrth y brif fynedfa.
Cyfeiriad
Y cyfeiriad yw:
Neuadd Tref Llangollen
Heol y Castell
Llangollen
Sir Ddinbych
LL20 8NU
Parcio
Y maes parcio agosaf ydi maes parcio’r Cyngor ar Stryd y Farchnad.
Cyfleusterau ar gyfer pobl anabl
Mae lifft ar gael.
Canolfan Deuluoedd Llanrwst (Conwy)
Gwybodaeth am y gweithdy
Cynhelir y gweithdy:
- Lle: Canolfan Deuluoedd Llanrwst
- Dyddiad: Dydd Iau 4 Mawrth 2027
- Amser: 9:30am tan 2:30pm
Gwybodaeth am y lleoliad
Bydd aelod o’r tîm yn cwrdd â chi wrth y brif fynedfa.
Cyfeiriad
Y cyfeiriad yw:
Canolfan Deuluoedd Llanrwst
Heol Watling
Llanwrst
Conwy
LL26 0LS
Parcio
Mae lle i barcio ar y stryd am gyfnod byr, cyfyngedig neu mae gan y Cyngor faes parcio gerllaw.
Cyfleusterau ar gyfer pobl anabl
Mae popeth ar y llawr gwaelod.
Sut i gymryd rhan
Mae’r gweithdy’n rhad ac am ddim ond mae’n rhaid ichi wneud cais i gymryd rhan gan fod lleoedd yn brin. Mae’n rhaid i bawb wneud cais am le iddynt eu hunain.
Gwneud cais am le yn y Gweithdy Cefnogi i Leihau Ymddygiad Heriol
Mwy o wybodaeth
Cysylltwch â ni os hoffech gael mwy o wybodaeth am y gweithdy.
Gwyliwch ein fideo
Mae’r fideo ‘Helpu lleihau ymddygiad sy’n herio’ yn edrych ar y rhesymau sylfaenol dros ymddygiad heriol ymysg plant trwy lens yn seiliedig ar berthnasau. Mae’n cwmpasu:
- achosion cyffredin ymddygiad
- sut mae sgiliau megis cynllunio a chanolbwyntio (gweithrediad goruchwyliol) yn chwarae rhan
- pam mai perthynas cryf a charedig yw’r ffordd orau o helpu
- sut mae aros yn chwilfrydig a chysylltiedig yn arwain at newid gwirioneddol
Gwyliwch y fideo ‘Helpu lleihau ymddygiad sy’n herio’ ar YouTube (gwefan allanol)
Mae’r Tîm Integredig Teuluoedd Lleol yn dîm aml-asiantaeth, a ariennir gan Gydweithfa Gwella Gwasanaethau Gofal Cymdeithasol a Lles Gogledd Cymru.