Cardiau Teithio’n Rhatach

Mae Cerdyn Teithio’n Rhatach yn eich galluogi i deithio am ddim ar fwyafrif y gwasanaethau bysiau ledled Cymru a chael gostyngiad neu deithio am ddim ar nifer o wasanaethau trên.

Cymhwysedd

Gallwch gael Cerdyn Teithio’n Rhatach os ydych yn byw yng Nghymru a’ch bod naill ai:

  • dros 60 oed
  • yn unigolyn anabl cymwys

Mae unigolyn anabl cymwys yn rhywun sy’n ateb un o’r meini prawf canlynol:

  • mae’n ddall neu’n rhannol ddall
  • mae’n hollol fyddar neu’n ddifrifol fyddar
  • mae’n methu â siarad
  • mae ganddynt anhwylder neu anaf hirdymor sy’n ei gwneud yn anodd iddynt gerdded
  • maent wedi colli eu dwy fraich neu’n methu â defnyddio eu dwy fraich yn yr hirdymor
  • mae ganddynt anabledd dysgu neu nam gwybyddol sy’n effeithio ar eu gallu i ddeall gwybodaeth newydd neu gymhleth
  • nid ydynt yn cael gyrru oherwydd anhwylder iechyd corfforol hirdymor (nad yw’n ymwneud â defnyddio alcohol neu gyffuriau)
  • mae’n derbyn un o'r budd-daliadau canlynol:
    • Cyfradd Uwch Elfen Symudedd y Lwfans Byw i'r Anabl
    • Taliad Annibyniaeth Bersonol, wedi’i ddyfarnu ar ôl cyrraedd: 8 neu fwy o bwyntiau o dan Ddisgrifydd 7 “Cyfathrebu ar Lafar”
    • Taliad Annibyniaeth Bersonol, wedi’i ddyfarnu ar ôl cyrraedd: 12 pwynt o dan Ddisgrifydd Symudedd 11 “Cynllunio a Dilyn Siwrnai”
    • Taliad Annibyniaeth Bersonol, wedi’i ddyfarnu ar ôl cyrraedd: 8 neu fwy o bwyntiau o dan Ddisgrifydd Symudedd 12 “Symud o Gwmpas”
    • Atodiad Symudedd Pensiynwr y Rhyfel (WPMS)
    • Dyfarniad o dan Dariffau 1-8 o Gynllun Iawndal y Lluoedd Arfog (AFCS)

Ni ellir adio disgrifyddion Taliadau Annibyniaeth Bersonol a’u sgoriau unigol at ei gilydd.

Sut i Wneud Cais am Gerdyn Teithio’n Rhatach

Bydd angen i chi wneud cais i Drafnidiaeth Cymru am Gerdyn Teithio’n Rhatach.

Wrth wneud cais, bydd angen i chi ddarparu tystiolaeth o’ch oedran, cyfeiriad a/neu anabledd (os oes angen).

Gwybodaeth am ba ddogfennau y gallwch eu defnyddio fel tystiolaeth o’ch oedran, cyfeiriad a/neu anabledd (gwefan allanol)

Gwneud cais ar-lein

Gallwch wneud cais am Gerdyn Teithio’n Rhatach ar-lein trwy edrych ar wefan Trafnidiaeth Cymru.

Ewch i wefan Trafnidiaeth Cymru i wneud cais am Gerdyn Teithio’n Rhatach (gwefan allanol)

Cardiau Teithio Cydymaith

Os oes angen cymorth arnoch wrth deithio, efallai y bydd gennych hawl i gael Cerdyn Teithio Cydymaith sy’n caniatáu i un person deithio efo chi yn rhad ac am ddim.

Dylech wneud cais am Gerdyn Teithio Cydymaith gennym ni, nid Trafnidiaeth Cymru.

Rhagor o wybodaeth am Gardiau Teithio Cydymaith, gan gynnwys sut i wneud cais

Cardiau newydd

Os ydych yn colli neu ddifrodi eich cerdyn, y ffordd gyflymaf a hawsaf o wneud cais am un newydd yw trwy fewngofnodi i’ch cyfrif ar wefan Trafnidiaeth Cymru.

Mewngofnodi i’ch cyfrif Trafnidiaeth Cymru (gwefan allanol)