Trwydded bersonol

Mae trwydded bersonol yn galluogi person penodol i gyflenwi alcohol neu i ganiatáu cyflenwi alcohol mewn eiddo sydd â thrwydded eiddo ddilys.

Mae angen trwydded bersonol i oruchwylio gwerthiant alcohol mewn unrhyw eiddo â thrwydded gan gynnwys tafarndai, siopau trwyddedig, tai bwyta a gwestai. Mae ‘eiddo trwyddedig’ yn cynnwys pob eiddo sy’n cael gwerthu alcohol dan drwydded eiddo. Does dim angen trwydded bersonol arnoch chi i werthu alcohol dan rybudd digwyddiad dros dro.

Rhoddir Trwyddedau Personol yn uniongyrchol i'r sawl sy'n gwneud cais amdanynt, ac nid ydynt yn drosglwyddadwy. Unwaith y byddwch wedi cael un, rydych yn rhydd i weithio mewn unrhyw eiddo sy'n destun Trwydded Eiddo sy'n awdurdodi gwerthu/cyflenwi alcohol, unrhyw le yng Nghymru neu Loegr.

Cynnwys

Am ba mor hir mae'r drwydded yn ddilys?

Dim ond un Drwydded Bersonol y gallwch ei dal ar unrhyw adeg, a fydd yn ddilys am eich oes gyfan, ond gellir ei thynnu’n ôl os:

  • ydych yn cael euogfarn o drosedd berthnasol
  • ydych yn gorfod talu cosb Mewnfudo
  • y canfyddir eich bod wedi rhoi gwybodaeth anghywir neu gamarweiniol yn eich cais

Bydd trwyddedau hefyd yn cael eu tynnu’n ôl yn awtomatig os daw eich hawl i weithio yn y DU i ben neu os caiff ei dirymu.

Ewch yn ôl i cynnwys

Faint mae’n costio?

Mae gwneud cais am drwydded bersonol yn costio £37.

Ewch yn ôl i cynnwys

Meini prawf cymhwysedd ar gyfer trwydded bersonol

I fod yn gymwys am drwydded bersonol, rhaid i'r ymgeisydd fodloni'r meini prawf canlynol:

  • bod yn 18 oed neu’n hŷn
  • bod â hawl i weithio yn y Deyrnas Unedig
  • heb fod â thrwydded bersonol flaenorol wedi'i fforffedu o fewn y cyfnod o bum mlynedd cyn gwneud y cais
  • yn meddu ar gymhwyster trwyddedu achrededig, neu'n berson o ddisgrifiad rhagnodedig

Rhaid i ni wrthod unrhyw gais lle nad yw ymgeisydd yn bodloni'r holl feini prawf.

Troseddau perthnasol neu dramor

Rhaid inni hysbysu prif swyddog yr heddlu os yw’n ymddangos bod ymgeisydd wedi’i ddyfarnu’n euog o unrhyw drosedd berthnasol neu drosedd dramor.

Ewch yn ôl i cynnwys

Sut i wneud cais am drwydded bersonol

I gael Trwydded Bersonol, bydd angen i chi wneud cais i'r Awdurdod Lleol lle'r ydych yn byw.

Ffurflen Gais

Ar ôl cwblhau cwrs cymhwyster trwyddedu, gallwch lawrlwytho ffurflen gais o GOV.UK.

Lawrlwythwch ffurflen gais o GOV.UK (gwefan allanol).

Bydd angen i chi ddychwelyd eich ffurflen gais wedi’i chwblhau atom, ynghyd â: 

Ffotograffau

Rhaid i ymgeiswyr ddarparu dau ffotograff unfath ohonynt eu hunain a chwblhau'r ffurflen ffotograff sy'n cynnwys rhestr o lofnodwyr derbyniol.

Ffotograffau ar gyfer ffurflen gais am drwydded bersonol (PDF, 87KB)

Hawl i weithio yn y Deyrnas Unedig

Rhaid i ymgeiswyr am Drwyddedau Personol brofi bod ganddynt yr hawl gyfreithiol i weithio yn y DU, trwy ddarparu copïau o ddogfennau swyddogol yn dangos eu bod naill ai

  • yn ddinesydd Prydeinig
  • yn wladolyn o wlad AEE neu'r Swistir
  • gyda chaniatâd amhenodol i aros a gweithio yn y DU
  • gyda chaniatâd mewnfudo arall sy'n caniatáu iddynt weithio'n gyfreithlon mewn maes sy'n berthnasol i werthu alcohol

Gweld canllawiau swyddogol ar y mathau o ddogfennau sy’n dderbyniol ar gyfer gwirio hawl cyflogai i weithio (gwefan allanol)

Peidiwch ag anfon dogfennau gwreiddiol ar gyfer Hawl i Weithio drwy'r post, ond anfonwch lungopïau o ansawdd da o'r holl dudalennau perthnasol.

Gallwn ofyn am ddogfennaeth bellach neu gynnal gwiriadau pellach gyda’r Swyddfa Gartref os yw Statws Mewnfudo Ymgeisydd yn aneglur. Ni ellir rhoi trwyddedau personol i unrhyw berson nad oes ganddo'r hawl i weithio yn y DU.

Ble i anfon eich ffurflen gais a dogfennau ategol

Anfonwch eich ffurflen gais, y dogfennau ategol a’r ffi ymgeisio i’r:

Trwyddedu
Gwasanaethau Cynllunio, Gwarchod y Cyhoedd a Chefn Gwlad
Cyngor Sir Ddinbych
Blwch Post 62
Rhuthun
LL15 9AZ

Ewch yn ôl i cynnwys

Sut i wneud taliad

Gellir talu â cherdyn dros y ffôn i wasanaethau cwsmeriaid (01824 706000, rhowch y cod cost 3476-00000-40094) neu gallwch dalu drwy BACS. Mae taliad gyda siec neu arian parod ar gael yn un o Siopau Un Alwad Sir Ddinbych yn unig.

Talu drwy BACS

Mae ein manylion BACS yn:

  • Banc: Natwest, 5 Queen Street, y Rhyl, LL18 1RS
  • Cod Didoli: 54 41 06
  • Rhif y Cyfrif: 22837469
  • Enw’r Cyfrif: Cronfa Sirol Cyngor Sir Ddinbych

Sicrhewch eich bod yn cynnwys eich enw fel cyfeirnod pan fyddwch yn gwneud taliad, ynghyd â chod cost 3476-40094 (sicrhewch eich bod yn cynnwys y cysylltnod neu efallai na fydd eich taliad yn ein cyrraedd).Unwaith y bydd taliad wedi'i wneud, anfonwch gopi o'r taliad at trwyddedu@sirddinbych.gov.uk.

Gall methu â darparu’r cod cost priodol neu enw’r eiddo achosi oedi wrth brosesu eich cais.

Ewch yn ôl i cynnwys

Newid enw neu gyfeiriad

Os oes gennych drwydded bersonol eisoes a bod eich amgylchiadau’n newid (e.e. newid enw neu gyfeiriad, euogfarnau troseddol), rhaid i chi lenwi’r ffurflen newid enw neu gyfeiriad.  Codir £10.50 arnoch i newid eich manylion personol.

Ffurflen newid enw neu gyfeiriad (PDF, 138KB)

Ewch yn ôl i cynnwys

Trwyddedau personol ar goll neu wedi'u dwyn

Os ydych wedi colli eich trwydded bersonol neu os yw wedi’i dwyn, bydd angen i chi anfon e-bost atom a rhoi’r manylion canlynol i ni er mwyn gofyn am un arall:

  • Eich enw llawn
  • Eich cyfeiriad
  • Rhif trwydded bersonol (os yn hysbys)
  • Dyddiad Geni

Bydd hefyd ffi o £10.50 y bydd angen ei thalu am y drwydded newydd.

Ewch yn ôl i cynnwys

Euog o drosedd berthnasol

Os ydych wedi’ch cael yn euog o drosedd berthnasol, fel y’i diffinnir yn atodlen 4 o Ddeddf Trwyddedu 2003, neu drosedd dramor, mae gennych gyfrifoldeb i ddweud wrthym o fewn cyfnod o 14 diwrnod fel y gallwn gadarnhau’r rhan bapur o’ch manylion trwydded bersonol.

I roi gwybod i ni am drosedd, bydd angen i chi anfon y wybodaeth ganlynol atom mewn e-bost:

  • Eich enw llawn
  • Eich dyddiad geni
  • Eich cyfeiriad
  • Eich rhif trwydded bersonol
  • Y dyddiad y rhoddwyd eich trwydded bersonol
  • Os ydych chi'n Oruchwyliwr Eiddo Dynodedig ar eiddo
  • Manylion eich euogfarn 

Os cewch eich dyfarnu'n euog o drosedd berthnasol, yna o dan adran 132A o Ddeddf Trwyddedu 2003 gallwn gymryd camau yn erbyn eich trwydded bersonol, a allai arwain at atal y drwydded am hyd at gyfnod o 6 mis, neu ddiddymu'r drwydded.  Os ydym yn ystyried cymryd camau yn erbyn eich trwydded bersonol, byddwn yn eich hysbysu o hyn ac yn caniatáu cyfnod o 28 diwrnod i chi wneud unrhyw sylwadau.

Ar ôl y cyfnod hwn o 28 diwrnod gellir cyfeirio eich trwydded bersonol at y pwyllgor trwyddedu, a fydd yn penderfynu pa gamau (os o gwbl) y dylid eu cymryd yn erbyn y drwydded.

Ewch yn ôl i cynnwys

Mwy wybodaeth

Rydym yn argymell eich bod yn darllen drwy ein Polisi Datganiad Trwyddedu.

Polisi Datganiad Trwyddedu (PDF, 796KB)

Ewch yn ôl i cynnwys