Datblygu gwytnwch teuluoedd
Yn y Gwasanaeth Teuluoedd Integredig Lleol, rydym yn deall bod pob teulu yn wynebu heriau ar adegau. Mae datblygu gwytnwch teuluoedd yn golygu cryfhau perthnasoedd, gwella’r ffyrdd o gyfathrebu, a helpu plant ac oedolion i deimlo'n ddiogel, yn gysylltiedig a’u cefnogi.
Beth yw gwytnwch teuluoedd?
Gwytnwch teuluoedd yw’r gallu i:
- weithio drwy heriau gyda’ch gilydd
- dod dros brofiadau sy’n achosi straen
- meithrin cysylltiadau emosiynol cryf
- cefnogi lles ei gilydd
Nid yw gwytnwch yn golygu nad yw teuluoedd byth yn cael pethau’n anodd. Mae'n golygu dysgu ffyrdd o ymdopi, adfer perthnasoedd a chryfhau gyda'i gilydd.
Sut i ddatblygu gwytnwch
Dyma rai ffyrdd o ddatblygu gwytnwch:
- cysylltiad – mae plant ac oedolion yn gwneud yn well pan fyddant yn teimlo eu bod yn cael eu deall a'u cefnogi
- arferion – gall arferion rhagweladwy helpu i dawelu’r meddwl a theimlo’n fwy diogel
- rheoli emosiynau – mae plant yn dysgu rheoli emosiynau drwy oedolion cefnogol sy'n rheoleiddio eu hunain
- perthnasoedd cadarnhaol – mae perthnasoedd cryf, ymdrech a chynnydd yn meithrin hyder
- hunanofal i rieni – mae gofalu amdanoch chi'ch hun yn rhan bwysig o gefnogi eich plentyn
Ymwybyddiaeth ofalgar a lles
Mae ymwybyddiaeth ofalgar yn golygu canolbwyntio ar y foment gyda chwilfrydedd a heb farnu. Gall helpu i leihau straen, helpu i reoli emosiynau, a chryfhau cysylltiadau teuluol.
Mae syniadau ymwybyddiaeth ofalgar yn cynnwys:
- ymarferion anadlu’n araf
- ymwybyddiaeth ofalgar dros baned
- gweithgareddau tawelu gan ddefnyddio’r synhwyrau
- teithiau cerdded ymwybyddiaeth ofalgar
- hunan-dosturi
Grwpiau ymwybyddiaeth ofalgar a lles
Y grwpiau Lles a Chefnogaeth Cymdeithasol yng Nghonwy a Sir Ddinbych yw:
Gweithgareddau
Gallai gweithgareddau ymwybyddiaeth ofalgar i deuluoedd gynnwys:
- chwilio am liwiau yn ystod teithiau cerdded
- gweithgaredd ymdawelu gyda jar gliter
- gemau anadlu gyda swigod neu falŵns
- ymwybyddiaeth ofalgar natur
- amser i ddiolch am deulu
Mae grwpiau wyneb yn wyneb, canolfannau cymunedol a gweithgareddau awyr agored ar draws Conwy a Sir Ddinbych sy'n cynnig cyfleoedd gwych i gysylltu ag eraill, dysgu sgiliau newydd a chefnogi eich lles meddyliol.
Grwpiau gweithgareddau ar gyfer pobl ifanc a theuluoedd
Mae'r grwpiau gweithgareddau canlynol ar gyfer pobl ifanc a theuluoedd ar gael yng Nghonwy a Sir Ddinbych:
Creu man tawel gartref
Gallai teuluoedd elwa o greu man tawel gyda:
- Chlustogau neu flancedi
- Eitemau synhwyraidd neu deganau llonyddu
- Gweithgareddau lliwio neu lyfrau
- Cerddoriaeth i ymlacio neu i anadlu’n ddwfn
Nid lle ar gyfer cosbi yw man tawel — ond lle ar gyfer cefnogi.
Cefnogaeth a Chyngor
Gallwch ddod o hyd i gymorth ac adnoddau i greu man tawel gartref yn:
Gwyliwch ein fideo
Mae’r fideo ‘Sut i feithrin gwydnwch rhag straen i rieni’ yn archwilio sut mae straen parhaus yn effeithio ar eich corff, eich ymennydd a’r ffordd rydych yn magu plant. Mae'n egluro:
- sut mae’r gylchred straen yn gweithio a’r arwyddion o deimlo wedi llethu
- effaith straen hirdymor ar eich lles a pherthnasau
- ffyrdd sydyn i reoli straen yn y fan a’r lle
- sut i feithrin gwydnwch a phwysigrwydd hunanofal
- sut i ddeall eich anghenion eich hun gyda mwy o gydymdeimlad
Gwyliwch y fideo ‘Sut i feithrin gwydnwch rhag straen i rieni’ ar YouTube (gwefan allanol)
Mae’r Tîm Integredig Teuluoedd Lleol yn dîm aml-asiantaeth, a ariennir gan Gydweithfa Gwella Gwasanaethau Gofal Cymdeithasol a Lles Gogledd Cymru.