Cynllun Corfforaethol 2022 i 2027: Y Sir Ddinbych a Garem 

Mae cynllun strategol y cyngor ar gyfer darpariaeth o 2022 i 2027 yn cynnwys ein hamcanion allweddol a fydd yn helpu i sicrhau lles preswylwyr rŵan ac yn y dyfodol, yn ogystal â'n hymrwymiad parhaus i Ddyletswydd Cydraddoldeb Sector Gyhoeddus. 

Helpwch ni i wella ein gwasanaethau

Helpwch ni i wella ein gwasanaethau!

Hoffem glywed eich barn am y gwasanaethau y mae Cyngor Sir Ddinbych yn eu darparu, a'ch barn am Sir Ddinbych a’ch ardal chi.

Services and information

Ynglŷn â'r Cynllun Corfforaethol

Mae'r Cynllun hwn yn nodi’r hyn yr hoffem ei gyflawni er budd preswylwyr a chymunedau lleol dros y pum mlynedd nesaf, i gyflawni’r Sir Ddinbych a Garem.

Tai o ansawdd yn Sir Ddinbych sy'n bodloni anghenion pobl

Rydym am sicrhau bod digon o dai o ansawdd uchel ar gael, gan ddiwallu anghenion holl drigolion Sir Ddinbych.

Sir Ddinbych ffyniannus

Rydym am gefnogi adferiad yn dilyn y pandemig, gan gynnwys manteisio ar gyfleoedd i alluogi trigolion i gael mynediad at gyflogaeth ac incwm da.

Sir Ddinbych iachach, hapusach a gofalus

Rydym am hyrwyddo diogelwch, gwytnwch a lles pobl o bob oedran, gan ddefnyddio rhwydweithiau cymunedol cryf sy’n galluogi pobl i fyw’n ddiogel, hapus, annibynnol a derbyn cymorth lle bo angen.

Sir Ddinbych sy'n dysgu a thyfu

Rydym am gefnogi darpariaeth dysgu a hyfforddi o ansawdd sy’n galluogi pobl o bob oed i gyflawni eu llawn botensial, yn bersonol ac yn broffesiynol.

Sir Ddinbych sydd wedi cysylltu’n well

Bydd cymunedau yn Sir Ddinbych yn ffyniannus, cydlynus ac wedi’u cysylltu’n dda.

Sir Ddinbych mwy gwyrdd

Rydym am ddod yn sefydliad Di-garbon Net erbyn 2030, a chyfoethogi, cynnal a gwella ein hasedau naturiol i gefnogi bioamrywiaeth. Mae’n rhaid i ni hefyd liniaru a gweithio gyda chymunedau i ymdopi ag effeithiau’r newid yn yr hinsawdd.

Sir Ddinbych teg, diogel, a mwy chyfartal

Rydym am fynd i’r afael â’r amddifadedd y mae ein cymunedau’n ei wynebu, lleihau anghydraddoldeb, a hyrwyddo amrywiaeth a chydlyniant cymunedol.

Sir Ddinbych â diwylliant bywiog lle mae’r Gymraeg yn ffynnu

Rydyn ni am fod yn sir lle mae’r Gymraeg yn iaith byw a ffyniannus. Bydd y sir hefyd yn gwneud y mwyaf o’r cyfoeth o dreftadaeth ddiwylliannol ac asedau naturiol er mwyn cefnogi ffyniant economaidd, datblygu sgiliau a chydlyniant cymunedol.

Cyngor sy’n cael ei gynnal yn dda ac sy’n uchel ei berfformiad

Rydym am fod yn gyngor teg, tryloyw, sy’n perfformio’n dda, yn cynnig gwerth am arian, ac yn cynnig gwasanaeth da i gwsmeriaid yn gyson.

Monitro'r cynnydd

Sut y byddwn yn monitro cynnydd y Cynllun Corfforaethol.

Adolygu perfformiad y Cyngor

Rydym ni’n adolygu ein perfformiad yn barhaus er mwyn gwirio ein cynnydd, adnabod unrhyw faes y gellir ei wella, a phennu camau gweithredu i sicrhau ein bod yn cyrraedd ein nodau.